ئەنجوومەنی وەزیران كۆ دەبێتەوە
ھەولێر-KDP.info- گوته‌بێژى حكوومه‌تى هه‌رێمى كوردستان ڕایده‌گه‌یه‌نێت، ئه‌نجوومه‌نى وه‌زیرانى هه‌رێمى كوردستان له ڕێگه‌ى ڤیدیۆ كۆنفرانسه‌وه كۆ ده‌بێته‌وه.
ئه‌مڕۆ چوارشه‌ممه 17/6/2020، د. جووتیار عادل، گوته‌بێژى حكوومه‌تى هه‌رێمى كوردستان، له پێگه‌ى تایبه‌تیی خۆى، له تۆڕى كۆمه‌ڵایه‌تیی (فه‌یسبووك) بڵاوى كردووه‌ته‌وه، ئه‌مڕۆ ئه‌نجوومه‌نى وه‌زیرانى هه‌رێمى كوردستان كۆبوونەوەی ھەفتانەی خۆی لە ڕێگەی ڤیدیۆ كۆنفرانسەوە ئەنجام دەدات.
باسى له‌وه‌ش كردووه، چەند بابەتێكى گرنگی وەك ڕێکخستنی خەرجییەکان، پرۆگرامی بایۆمەتری و هاوبەشیی کەرتی گشتی و کەرتی تایبەت تەوەری سەرەکیی کۆبوونەوەكە دەبن.
