خۆشناو: بۆ پرسی پرۆژه‌ی چاكسازی لێکتێگه‌یشتنی باش هه‌یه
هەولێر -KDP.info- سەرۆکی فراکسیۆنی پارتی دیموکراتی کوردستان لە پەرلەمانی کوردستان ڕایگەیاند، له نێوان حكوومه‌ت و په‌رله‌ماندا لێکتێگه‌یشتنی باش بۆ پرسی پرۆژه‌ی چاكسازی هه‌یه.
ئومێد خۆشناو، سەرۆکی فراکسیۆنی پارتی بە ماڵپەڕی فه‌رمیی پارتی دیموکراتی کوردستانی ڕاگەیاند: "لێژنەی هەماهەنگیی پەرلەمان و وەزیرە پەیوەندیدارەکانی حکوومەت بەردەوامن لە کارکردن بۆ دۆزینەوەی تێگەیشتنێکی هاوبەش دەربارەی پرۆژەیاسای چاکسازی."
ئومێد خۆشناو ڕایشیگەیاند: "فراکسیۆنی پارتی وەک یەک پاکێج مامەڵە لەگەڵ سەرجەم چاکسازییەکان دەکات و بە تەنیا مامەڵە لەگەڵ هیچ پرۆژەیەکی چاکسازی ناکرێت."
ئه‌مه له كاتێكدایه پرۆژەیاسای چاکسازی لە لایەن حکوومەتی هەرێمی کوردستانەوە ئامادە کراوە و بڕیارە بۆ پەسەندکردن بنێردرێتە پەرلەمان.
كارزان هه‌ورامى
