هندی پوستێن لایەنێن سیاسی پتر بن مەترسێ لسەر پترە كو جارەكا دی وان دەنگدان بدەست خوڤە نەئینیت
هەڤپەیڤین/دلداررەشاڤەی
رەوشەنبیرو نڤیسەرو وكارگیرێ لقێ 18 یێ بەرێ بەرپرسێ رێكخراوا جڤاتا عیراقێ بو ئاشتی و هەڤكاریێ لدور رەوشا نها یا هەریما كوردستانێ وچوونا پەترولێ بو دەرڤەی وەلاتی وئەو ئاریشێن دناڤبەرا هەریمێ وبەغدا دا وبەربژارێن پارتی ژبوی ئەنجومەنی نوینەرێن عیراقی و ئەنجومەنێ پاریزگەهێن هەریما كوردستانێ تایبەت ێن پارێزگەها دهوكێ دپەیڤیت :
فەهمی سەلمان، لدور دەست نیشانكرنا بەربژارێن پارتی بو ئەنجومەنی نوینەرێن عیراقی و ئەنجومەنێ پاریزگەهێن هەریما كوردستانێ تایبەت ێن پارێزگەها دهوكێدبێژیت: ئەو پیڤەرینَ هاتینە دانا ن بو دانان بەربژاران نە دروستن وپێدڤی بوو ب سیستەماتیك بەربژار هاتبانە دانان ودویر ژ ناوچە گەریێ وكتلە كتلانی چونكی ئەڤ یەكە دی زەرەری ب دیمەكراسیا راستە قینەیا هەریمی كەفیت ودڤیت یا ئازادانە با كا كێ حەز هەبا و برێكا سیڤیا وجورەكێ دەنگدانەكا نهینی لسەر هاتبا كرن وشنی بەربژار هاتبانە دەست نیشانكرن،لێ ب مخابنی ڤە ئەڤ سیستەمە نەهاتە ئەنجامدان ولبن كارتێكرن و لدور میزا ج و بوچوونا كەسی ئێكی لهەر جهەكێ بەربژار هاتنە دانان،ژبەر ڤێ یەكێ ژی ئەگەر تو بەریخو بدەیێ ئەدائا پەرلەمانتارو ئەندامین ئەنجومەنی ێن خولێن بەرێ یا كیمە وخەلكەك یێ نەرازیە وگازندە لێ دهینە كرن چونكی ئالیەتا دەست نیشانكرنا بەربژێران گرنكترە ژ بەربژیری .
بەرپرسێ رێكخراوا جڤاتا عیراقێ بو ئاشتی و هەڤكاریێ كا ژبوی پارتی باشتر نینە كەسانێن هەژی دویر ژ ناوچەگەریێ دەست نیشان بكەن بو هەر پوستەكێ ئاشكەرا دكەتن دبێژیت : هەلبەتە زور باشترە وبەلكی هندەك ئەنجامین قوناغی و هەژمارەكا زیدەتر یا كورسیان بدەست خوڤە بینیت لێ سەمتی دیتر ی دیموكراسیكرنا جڤاكی دكەڤنە دمەترسیی دا چونكی تو هندەك شانێن مری ونڤستی یێ هشیار و ساخ كەیەڤە ئەوژی ناوچەگەری و تەعەسبو عەشیرەت عەشیرەتكانی یە ‘ودڤیت ئەم وەلاتیێن خوە وەسانی پەروەردە بكەین كو لسەر ئینتمائا وەلاتی دەنگێ خوە بدەن نەك لسەر عەشیرەتگەریێ وناوچەكەریێ ومروڤ مروڤكانی.
سەلمان، ئاشكەرا ژی كر كو ئەڤ یەكە ل پاشەروژی دێ كارتیكرنێن خراب لسەر نڤشی پاشەروژی ێن هەریما كوردستانێ هێتە كرن و دێ ئەم خویكا وی دەین چونكی هێدی هیدی ئەم ێت بنەماو پرەنسیپێن دیموكراسیەتی دویر دكەڤین بو هندەك بەرژەوەندیێن قوناغێ .
سەبارەت گیروبونا كابینا هەشتێ وكا دێ چەند زەرەر ب وەەلاتیان دكەڤیت نڤیسەر دیاردكەت،زەرەكا مەز ب وەلاتیا ن وب ئەدائی حكومەتی دكەڤیت وبنێرینا من دارێتنا بەرنامی حكومەتی نەبوویە رێگر بەلكو دابەشكرنا پوستا ن دناڤبەرا لایەنێن سیاسی دا بوویە ریگر بەردەم گیربوونا پێكئینانا كابینا هەشتی یا حكومەتا هەریما كوردستانێ .
رەوشەنبیری ژی لدور بەرژەوەندیێن بەرتەنگێن حزبایەتیی كو بوونە ئەگەرێ سەرەكی یێ پێكئینان حكومەتێ گوتی: دڤێت لایەنێن سیا سی دبەرژەوەندیا مللەتی خوە دا بیربكەنە ڤە وبلا لایەنێن سیاسی وی هزری نەكەن كو هندی وەزارەت وپوستێن سیادی ددەستی دا بن دێ پتر خەلك لێ كوم بیت و جارەكادی دی َدەنگا پتر بدەست خوڤە ئینیت بەروڤاژی ڤێ چەندێ ئەگەر لایەنكی ئیك وەزارەت هەبیت لێ یا ئەكتیفو كارا بیت دێ پتر رەئیا وەلاتیان بو چیت وهندێ پوستێن لایەنێن سیاسی پتر بن پتر مەترسێ یێ لسەر هەی وگازندە بو بچن و جارەكا دی وان دەنگدان بدەست خوڤە نەئینین،چونكێ د دەولەتێت دیموكرات دا ئوپوزسیون گەشی دكەتن نەك دەستهەلات بەروڤاژی ڤێ چەندێ دەستهەلات لاواز دبیت،چونكی خەلكی خزمەتگوزار ل دەستهەلاتی دڤیت وئەگەر هات و نەشیا خزمەتگوزار ێن پێدڤی بو خەلكە دابین بكەتن،وی دەمی دێ خەلكەك لێ دویر كەڤیت ووجاردن ئەو دەنگێن پیدڤی بدەس خوڤ نائینیت،ژبەر ڤێ یەكێ دڤیت ئەم دبەرژوەندیا خەلكی خوەدا بیر بكەینەڤە وخوە بەرژەوەندێن بەرتەنگێن خزبایەتیی دویربكەین .
سەلمان ئەو چەند ژی راگەهاندكو، بو قوناغا ئەڤرو یا هەرێما كوردستانێ ئەم پێدڤی ب حكومەتەكا بنكە فراوانین، ژبەر كو بەلكی دچوار سالێن بهێت دا هەرێما كوردستانێ هندەك بریارێن چارەنڤیساز بدەت ژبەر ڤێ یەكێ ئەم پێدڤی ب ئیك رێزی وئێك دەنگیا لایەنێن سیاسی وهەمی كورداینە ژبوی بەرژەوەندیا نیشتمانی لێ نە رامانا وی َ ئەوە پەرلەمان ژی ببیتە سازیەك ژ سازیێن حكومەتێ لێ پیدڤیە پەرلەما ن ئەركێ خوە یێ چاڤدێریێ رابییت وسازیێن راگەهاندنێ جڤاكا سڤیل ب ئەركێ خوە یێ دەست نیشانكرنا كیم و كاسیا رابییت ودڤیت ئەم ئیك دەنگ بین بو هەر دانا بریارەكا چارەنڤیساز ژلایێ هەریما كوردستانێ ڤە چونكی ئەگەر ئەم ئیك دەنگ نەبین وی دەمی دێ دەستێن دەرەكی هێنە دناڤا هەریما كوردستانێ دا وی دەمی زەرەر دێ ب هەریما كوردستانی كەڤیت تایبەت دەسكەڤتێن چارەنڤیساز .
بەرپرسێ رێكخراوا جڤاتا عیراقێ بو ئاشتی و هەڤكاریێ لدور دەستێن دەرەكی ژبوی پێكئینان كابینا هەشتێ دبێژیت: راستە دەستێن دەرەكی هەنە ژبوی پێكئینانا كابینا هەشتی چونكی بەرژەوەندیێن وان ژی دگەل ڤێ حكومەتی هەنە ونە بتنێ ئەڤ دەستێن دەرەكی لهەرێما كوردستانێ هەنە، بەلكو لگەل گەلەك وەلاتان هەنە ورولێ دەولەتێن ئەقلیمی یێ گرنگە لسەر هەریما كوردستانێ،چونكی تو نەشیێ چ سیاسەتا پەیرەو بكەی بیێ بەرچاڤگرتنا دەولەتێن ئەقلیمی و لایەنێن سیاسیێن نافخویێ .
چوونا پەترولێ بو دەرڤەێ وەلاتی، وئەو فشارێن حكومەتا مەركەزی لسەر هەریمێ دكەتن رەوشەنبیرو نڤیسەر نێرینا خوە دیاردكەتن دبێژیت: لبن هەر فشارەكێ بیت دێ چوونا نەفتێ یا بەردەوام بیت وئەگەر هات و بودجێ هەریما كوردستانێ ژی هاتە برین وی دەمی داهاتی هەریمی زورە ودشێت خوە پێ رێڤەبببەت ولوی دەمێ حكومەتا مەركەزی دێ هەریمی نەچا ر كەتن كو خەیارەكا دیتر وەربگریت ئەوژی سەربەخویا هەریما كوردستانێ یە وچوونا نەفتی ژی بەرژەوەندیین َ توركیا و روژئاڤا دی پتر لێ كەت دگەل هەریما كوردستانێ چونكی كلیلا سەربەرخویا هەریمێ ددەستی توركیا دایە ژبەرڤێ یەكی هندی نەفت بو توركیا بچیت وئەو كومپانیێن مەزنێن نەفتی بینە هەریما كودستانێ دێ پتر ریك خوەش بن ودەرگەه هێنە ڤەكرن ژبوی سەربەرخویاهەریما كوردستانی .
فەهمی سەلمان،بەرپرسێ رێكخراوا جڤاتا عیراقێ بو ئاشتی و هەڤكاریێ سەبارەت سەربەخویا هەرێما كوردستانێ وئەو كوسپە ودەرگەهێن دهێنە ڤەكرن بو سەربەخویێ ئاشكەرا دكەتن، كو چی پێ نەڤێت هەرێما كوردستانی ئەو شیان ێن هەین دهەمی بوارەكی دا خوە برێڤە ببەت لێ بنێرینا من كلیلا سەربەخویا هەریما كوردستانی ددەستی توركیا دایە وهەر دەمی زانی كو سەربەرخویا هەرێما كوردستانێ نابیتە فشارەك وكارتێكرنی لسەر ئەمنا نیشتمانی و ئابوری توركیا ناكەتن،وی دەمی دی توركیا بشتەڤانیا خوە دیار كەتن ژبوی ڤی سەربەخویێ، ودڤی دەمی دا ژی ئیران و سوریا نەشیت چ كارتێكرنێ لسەر سەربەخویا هەریما كوردستانێ بكەتن چونكی حالی وان بەسی وانە، زێدەباری راكێشانا بەرژەوەندیێن دەولەتێن زلهیز وتایبەت ئەمریكا ژبوی هەریما كوردستانی، چونكی سەربەرخویا هەریما كوردستانێ پێدڤێ ب بشتەڤانیا دەولەتێن زلهێزە وتایبەت ئەمریكا داكو سەربەخویا هەریمی یا ڤێ جارێ وەكێ یا كومارا كوردستانێ لێ نەهێتن،لێ بنێرینا من چوونا پەترولێ وئابورێ خورتی كوردستانێ وجییوپولیتكا كوردستانێ رێ خوشكەرن بو سەربەخویا هەریما كوردستانێ .
