بەرێزان بەرێوەبەرو كارمەندانی خانەی موكریانی بۆ چاپ و بڵاوكردنەوە
بەناوی مەكتەبی سیاسی پیرۆزبایی گەرمتان لێدەكەین بەبۆنەی یادی 13 ساڵەی دامەزراندنی خانەكەتان، لە تەك پیرۆزبایمان هیوای بەردەوامی و سەركەوتنیشتان بۆ دەخواین لە خزمەتكردنی بواری رۆشنبیری و بڵاوكردنەوەی گیانی لێبوردەیی و دیموكراسی و پێكەوە ژیان لە رێگەی چاپكردنی كتێب و بەرهەمەكانتان.
هەروەها جێگای خۆشحاڵیمانە كە خانەی موكریانی بۆ چاپ و بڵاوكردنەوە لە رۆژی دامەزراندنییەوە تا ئێستا بەرپرستانە مامەڵەی لە گەڵ نێوەرۆك و بابەتەكانی كردووەو بە جدیش كاری بۆ دەوڵەمەندكردنی كتێبخانەی كوردی دەكات.
جارێكی دیكەیش پیرۆزبایتان لێدەكەین و هەر سەركەوتووبن.
مەكتەبی سیاسی
پارتی دیموکراتی کوردستان
3/7/2013
