مۆنۆپۆل

مەحفوز مایی

ئەڤەیە ئەوا دبێژنێ؛ ئەڤە بۆ من و بلا جیران ژی پلا ل ناڤكا خوە بدەن. ئەو پەیڤا (ئەز) گرفت و ئاریشەیێن مەزن بۆ ھەر كەسەكی چێدكەن، ئەگەر ئەو كەس خەمخۆرێ خوە بتنێ نەبیت.

ھەروەكی بیستانكێ خالێ سەلمانی. نابیت كەس ل ڤی گوندی پیڤازا بچینیت، دڤێت ھەر ئەز بچینم و ھەمی كەس دڤێت پیڤازێت من بكریت. ئەو بخوە بیستان ژی نەیێ خالێ سەلمانە، یێ گوندییە. لێ بتنێ دڤێت ئەو بیستانی بكەتە پیڤاز. دەما دكۆلیت دڤێت گوندی پاێەتییا وی بدەنێ، دەما ئاڤدانێ، ھەر رۆژەكا ئەو ئاڤدانێ بكەت دڤێت گوندی پالەتییا وی بدەنێ، دەما خەپارێ، ئادەكرنێ و ئینانادەرڤە ھەر دڤێت پالەتییا وی بدەنێ، خالێ سەلمان ب دەوارێت گوندییا وان پیڤازا دبەتە سەر بانێ جیرانا دا لبەر تاڤێ ھشك ببن چونكی بانێ وی بخوە یێ بچویكە و تێرا رائێخستنا پیڤازا ناكەت. دیسا دڤێت ھاریكارییا وی بكەن دا وان پیڤازا بینتە خوارێ و بكەتە گوینیكا. ھەچەندە خالێ سەلمان نە ئاڤ و ئە عەرد نە یێت وی بوون و رۆژ ب رۆژ پالەتییا خوە ژی لدویڤ دلێ خو یا وەرگرتی، لێ نابیت كەسەك دی ل گوندی پیڤازا بچینیت و ھەر بتێ خالێ سەلمان ئەو ماف یێ ھەی.

ما جڤاتا گوندی، یان موختارێ گوندی، یا كێ ئەو ماف دایە وی؟ گەلۆ بۆچی گوندی ھندە دسادەنە و ھەما ھێلا ئەڤ چەندە بسەرێ خالێ سەلمان ڤە بچیت

پرسیار ئەڤەیە: گەلۆ كی ئەو ماف دایە خالێ سەلمان كو ھندە سالە بتنێ ئەو پیڤازا دچێنیت و نابیت كەسەك دی ل گوندی وی كاری بكەت؟ ما جڤاتا گوندی، یان موختارێ گوندی، یا كێ ئەو ماف دایە وی؟
گەلۆ بۆچی گوندی ھندە دسادەنە و ھەما ھێلا ئەڤ چەندە بسەرێ خالێ سەلمان ڤە بچیت. دیارە كو كەسێ ئەو ماف نەدایە وی، ھەما سادل بۆ سالێ ھۆسا یا بووری و یا بۆ وی ھۆسا قەتای. لێ ھەردەما كو گوندییا بڤێت خوە نەرازی بكەن دێ شێن وی مافی دەنە ھەمی گوندییا و ھەركەسەك یێ ئازادە كو پیڤازا بچینیت.

ھەلبەت ئەڤە نموونەكا گەلەك سادە بوو بۆ گەلەك كاروبارێن رۆژانە ل وەلاتێ مە كوردستانێ. گەلەك كار ھەنە كو مافێ گەلەك كەسانە وی كاری ئەنجام بدەن لێ كەسەكی یان گرۆپەكی مینا خالێ سەلمان یا بسەرێ خوەڤە بری و یا بۆ وان مای و خەلكێ دی یا خوە لێ بێدەنگ كری.
ئەو كارژی گرێدایی ژیانا مە ھەمیا یا رۆژانەیە. كارێت خزمەدتكرنا خەلكێ كوردستانێی یە.

ھویسەحكەنە مەسەلا ئینتەرنێتێ، ئەڤرۆكە یا بوویە پێتڤییەكا ژیانا ھەر كەسەكی، لێ رێ نەھاتەدان كو ژبلی خالێ سەلام كەس دی ل ڤی گوندی پیڤازا بچینیت.

وەلات یێ مەیە و ئەسمان یێ مەیە و خولك یێ مەیە، ئەركە كو ئەم ھەمی خزمەتا فی وەلاتی و ڤی خەلكی بكەین. بھێلن بلا مونافەسە و ھەڤركی بێتە مەیدانێ دا تشتێ باشتر پەیدا ببیت و باشتر خزمەتا وەلاتی و خەلكێ بھێتەكرن.