دستوور مولكێ ملله‌تی یه.. نه ئایدیۆلۆژیا و پرۆگرامێ حزبیه
محه‌مه‌د تاهر دۆسكى
ئه‌و ئالی و كه‌سێن د بێژن به‌رێز مه‌سـعوود بارزانی سه‌رۆكێ هه‌رێما كوردستانێ د ده‌مێ سه‌رۆكاتیا خوه‌دا یێ سه‌ركه‌فتی نه‌بوو، راسته راست ب زمانێ دوژمنان د ئاخڤن.
هه‌كه بپرسن ژ به‌رچی؟
د به‌رسڤێدا د بێژم:
ئێك: دوژمنان خواستنه كو د ناڤ كوردان دا هه‌ر تم شه‌رێ خۆكۆژی هه‌به و چ جار نه‌كارن پێكڤه ب ته‌بایی بژین،لێ ئیرۆ به‌ره‌ڤاژی كوردستانی هه‌می ب هه‌ڤرا و ب ته‌بایی و براتی د ژین و شه‌رێ خۆكوژی ب هیمه‌تا سه‌رۆك بارزانی هاتیه حه‌رام كرن.
ئه‌رێ به‌هایێ ڤێ ده‌سـكه‌فتێ چه‌نده؟ ئه‌رێ مرۆڤ د كاره بێژه كو ئه‌ڤه نه سه‌ركه‌تنه؟
دو: وه‌كی هـه‌ر كه‌س دزانه كو ل چارده‌ورێـن كـوردسـتانێ ئاگر بارانه، د ناڤ ره‌وشـه‌كه وه‌هادا گـه‌لێ كوردستانێ د ناڤ ئارامی و سه‌قامگیریێدا د ژیت و هه‌ر رۆژ پرۆژه‌ێن نوودهێنه ڤه‌كرن و ئابووریا وێ پێش د كه‌ڤه و ئاستا ژیانا ملله‌تی بلند دبه.
ئه‌ڤه ژی ب هیچ ئاوای دلێ دوژمنێن مـه خـۆش نه‌كریه و چاڤێن وان نكارن ڤان پێشڤه‌چوونا ببینن.
لێ به‌لێ ئیرۆ ئه‌ڤه بۆیه راستی یه‌ك كو چ كه‌س نكاره ئینكار بكه‌ت.
ئه‌ز ژ وان ئالیان دپرسم: ئه‌رێ ئه‌ڤه كاره‌كێ سه‌ركه‌تی نینه و مه‌زنترین ده‌سكه‌فت نینه بۆ كوردان؟
ل رۆژ هه‌لاتا ناڤین خۆین بباره و ل كوردستانێ ئارامی و ئاڤه‌دانی و پێشكه‌تنا چه‌مكێ دیمۆكراسیێ و ئابووریا وه‌لات و...هه‌به.
ئینكاركرنا ڤان هه‌می پێشكه‌تن و ده‌سكه‌تنا نه گۆناهه‌كا مه‌زنه؟
یان...
سێ: د ئالیێ وزه دا (نه‌فت و غاز) كوردستان د ناڤ لیستا وه‌لاتێن خۆدان وزه‌دا ناڤێ وێ هاته دیار كرن و بۆ جارا ئێكێ د دیرۆكێدا ل سه‌ر نه‌خشێ جیهانێ ته‌ڤی وه‌لاتێن زلهێز ناڤێ كوردستانێ هاته تومار كرن.
ئه‌رێ ئه‌ژمار كرنا كوردستانێ ل رێزا وان وه‌لاتێن ب ناڤ و ده‌نگێن خودان وزه‌نه ده‌سكه‌فت و سه‌ركه‌تنه؟
چوار: د وارێ دیپلۆماسیدا هه‌رێما كوردستانێ پێشكه‌فتنێن هنده مـه‌زن ب خـوه‌ڤه دیتنه كو هه‌ر رایه‌دار و كه‌سه‌تیێن بناڤ و بانگێن بیانی سه‌ردانا كـوردستانێ دكه‌ن، ب وان پێشڤه‌چوونێن هـه‌رێمێ سـه‌رسام دبن. ره‌وشا ئاراما هـه‌رێمێ وه‌سا خوه بنه‌جهكر یه و ئه‌و باوه‌ری چێ دروست كریه كو وه‌لاتنێن هـه‌ری ب هێز ل جیهانی كـۆنسلۆخانه و نوونه‌رێن خـوه ل هـه‌ولێرێ بكه‌نه‌ڤه ئۆ ب هێزترین بزنزمانێن وه‌لاتان بۆ كوردستانێ بێنه راكێشن و ڤایه ل پێش چاڤێن وه كار دكه‌ن.
پێنچ: ل هه‌ر ده‌لیڤه و رۆژ و ساله‌كێدا وی ده‌مێ كو چ ناڤه‌ندا ئیرا قێ یان هه‌ر وه‌لاته‌كێ جیران خواست بیت خوه ل سه‌ر كوردا ب سه‌پینن یان ب شێوه‌یه‌كی دیسا زۆرداریێ ل كوردا بكه‌ن،سه‌رۆك بارزانی كه‌سێ ئێكێ بۆیه كو ل مه‌یدانێ راسته‌راست به‌رسینگا وان گرتی و ب چ ئاوایه‌كی نه هێلایه ئه‌وا وان خوه‌ستی و بۆ خوه پیلان كری،سه‌ر بگریت.
هه‌ر ده‌م ئه‌وا د به‌رژه‌وه‌ندیا گه‌لێ كوردستانێدا بی ژ بۆ خوه كریه پره‌نسیپ و ل سه‌ر كاركریه.ئه‌رێ هه‌كه ئه‌ڤه هه‌می ده‌سكه‌فت و پێشكه‌تن نه‌بن، باشه چ تشت سه‌ركه‌فتنن..؟
له‌وراپرسا دستووری مژاره‌كا پر جودایه ژ ئایدیۆلۆژیان و پرۆگرامێن حزبی و ئه‌جندێن كه‌سی و پێۆیسته ژ هـه‌ڤ دو بێنه ڤاڤارتنێ.
چـونكی ئه‌وێـن ئه‌ڤـرۆ ژ بریارا گـه‌ل د ترسن و ئاماده نینن وی مافی بده‌نـه ملله‌تی كو ب ئیرادا خوه ل سه‌ر پرسه‌كا وه‌كی ده‌ستووری بریارێ بده‌ت، ئه‌رێ ئه‌وێ ژ بۆ مژارێن گرنگێن دن كو ئه‌و ژی نه‌كێمی پرسا ده‌ستوورێنه،چ مافی بده‌نه ملله‌تی؟
ئه‌ڤ نێرین و سه‌ره‌ده‌ری و تێگه‌هشتنه وێ راستیێ دیار دكه‌ن كو ئه‌وێن وه‌ها دفكرن دێ ل پێـشه‌رۆژێ ببن دیكتاتۆر و دیسا ب سـته‌مـكاریێ ده‌سهه‌لاتداریێ بكه‌ن.
ب راستی ئه‌و تێگه‌هشتن و هزرێن وان هه‌ر ژ نها مرۆڤی د ترسینن.
ئه‌ز مخابنیێ ب وێرا دبه‌م كو هنده‌ك جارا ل دۆر مژارا دیـمۆكراسـیێ و مافێ مرۆڤی د ئاخڤن و گازندا ژی دكه‌ن كو ئازادی نینه.باشـه هه‌كه ئالییه‌كێ سـیاسی یان هنده‌ك كه‌س و ئالی كو خـوه‌دیێ ده‌سـه‌لاته‌كا زۆر نه‌بن و تێرا خـوه بێ هێز و لاواز بن (ئانكو نه ل حكوومه‌تێ و نه ل په‌رله‌مانێ زۆرینه بن)،لێ هـه‌ر ژ نـۆكه رێـكێن خـوه‌سـه‌پاندنێ ل سـه‌ر ئیرادا مللـه‌تی بۆ خـوه بكه‌نه ئامانج،ئـه‌رێ ئامانجا وان ژ ڤێ خوه هه‌لكێشانێ و ته‌كڕه‌ویێ زۆرداری نینه ل سـه‌ر ئیراده و چاره‌نڤیسێ ملله‌تی؟ وێ چاخێ چ رامانه‌ك بۆ بریار و ئیراده و ماف و داخوازیێن گه‌ل د مینه؟ ئه‌ڤ شـۆپاندنـه ب چ ئاوای د بـه‌رژه‌وه‌نـدیا گـه‌ل و نیشتیمان و پرسا دیمۆكراسیێدا نینه،له‌ورا ئه‌و پێكۆلا وان ئالیان دێ ب بزاڤێن سـه‌رنه‌كه‌فتی ب مینه.
چنكو وان نه باوه‌ری ب بریارا ملله‌تی هه‌یه و نه باوه‌ری ب خـوه هه‌یه كو چاره‌نڤیسێ خـوه بده‌نه ده‌ست گه‌ل...ب راستی ئه‌ڤ شێوازێ سیاسه‌ت كرنێ هه‌ژماره‌كا پرسێن وه‌ها د مه‌ژیێ مرۆڤیدا دروست دكه‌ت كو زۆر ب كویر و به‌رفره ل سه‌ر بفكره و ته‌كه‌زێ ل سه‌ر بكه‌ت
رۆژناما ئەڤرۆ
