مەکتەبی سیاسیی پارتی پرسەنامەیەک ئاراستەی ڕابەری گشتیی بزووتنەوەی ئیسلامی دەکات
هەولێر-KDP.info- مەکتەبی سیاسیی پارتی دیموکراتی کوردستان بە بۆنەی کۆچی دواییی خاتوو (فاتیمە عومەر عەبدولعەزیز)، ئامۆزای ڕابەری گشتیی بزووتنەوەی ئیسلامیی کوردستان، پرسەنامەیەکی هاوخەمیی ئاراستەی عیرفان عەلی عەبدولعەزیز و بنەماڵەکەیان کرد.
دەقی پرسەنامەکەی مەکتەبی سیاسیی پارتی دیموکراتی کوردستان:
پرسەنامەیەک لە مەکتەبی سیاسیی پارتی دیموکراتی کوردستان بۆ بەڕێز (عیرفان عەلی عەبولعەزیز ) ڕابەری گشتی بزووتنەوەی ئیسلامی
بە داخ و پەژارەیەکی زۆرەوە هەواڵی کۆچی دوایی ئامۆزای بەڕێزتان خوالێخۆشبوو خاتوو (فاتیمە عومەر عەبدولعەزیز)مان پێگەیشت، بە خەمناکییەوە پرسە و سەرەخۆشیی خۆمان ئاراستەی ئێوەی هێژا و کەسوکار و بنەماڵە بەڕێزەکەتان دەکەین و، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی دۆست و ئازیزانتان ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.
لە خوای گەورە داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بن.
مەکتەبی سیاسیی پارتی دیموکراتی کوردستان
٢٢ی تشرینی یەکەمی ۲۰۲٦