بەفەرمانی وەزیری ناوخۆ داشکاندن لە سزای بەسەرچوونی ڤیزا و نشینگەی بیانییەکان کرا
ھەولێر-KDP.info- بەفەرمانی ڕێبەر ئەحمەد، وەزیری ناوخۆی حکوومەتی هەرێمی کوردستان، بڕیاردرا بە داشکاندن بە ڕێژەی (٧٥%) لە سزای بەسەرچوونی ڤیزاو بەسەرچوونی نشینگەی بیانییەکان.
بڕیارەکە بە فەرمانی ژمارە (٣٢٥٥٧) لە ڕۆژی ١٥ـی تشرینی یەکەمی ٢٠٢٦ دەرچووە، ئەو بیانییانەی کە بە فەرمی و لە ڕێی ڤیزەوە هاتوونەتە هەرێمی کوردستان و بە هەر هۆکارێک نەیانتوانیووە ڤیزەکانیان درێژ بکەنەوە، یاخود نەیانکردۆتە نشینگە، یان نشینگەیان هەبووە و بەسەر چووە، تا ٣١ـی کانوونی یەکەمی ٢٠٢٦ لەکاتی سەردانکردنییان بۆ یەکێک لە بەڕێوەبەرایەتییەکانی نشینگە تەنیا (٢٥%)ـی کۆی گشتی سزاکانی دواکەوتن کە لە ڕێنماییمان ژمارە (١ ی ساڵی ٢٠٢١) هاتووە، لێیان وەردەگیرێت.