سەرۆکی حکوومەتی ھەرێمی کوردستان لەگەڵ سەرۆکی هاوپەیمانیی تەسمیم کۆبووەوە
بەغدا-KDP.info- سەرۆکی حکوومەتی ھەرێمی کوردستان و سەرۆکی ھاوپەیمانیی تەسمیم، ھاوڕابوون لە سەر پێویستیی پەرەپێدان و بەھێزکردنی ھاریکاری، پەیوەندیی و کاری ھاوبەش لە پێناو باشترکردنی دۆخی خزمەتگوزارییەکان و پاراستنی مافەکانی گشت پیکھاتەکان.
ئێوارەی ئەمڕۆ یەکشەممە ٢٤ـی ئایاری ٢٠٢٦، مەسروور بارزانی، سەرۆکی حکوومەتی ھەرێمی کوردستان، لە بەردەوامیی دیدار و کۆبوونەوەکانیدا لە بەغدا، لەگەڵ شاندێکی ھاوپەیمانیی تەسمیم بە سەرۆکایەتیی پەرلەمانتار عامر فائز کۆبووەوە.
لە کۆبوونەوەکەدا ھەردوولا ھاوڕابوون لە سەر پێویستیی پەرەپێدان و بەھێزکردنی ھاریکاری، پەیوەندیی و کاری ھاوبەش لە پێناو باشترکردنی دۆخی خزمەتگوزارییەکان و دابینکردنی ژیانێکی شایسەتر و پاراستنی مافەکانی گشت پێکھاتەکان.
