سەرۆك بارزانی پێشوازی لە ئەمینداری گشتیی یەكگرتووی ئیسلامی دەكات

هەولێر-KDP.info- سەرۆك مەسعود بارزانی، پێشوازیی لە ئەمینداری گشتیی یەكگرتووی ئیسلامیی كوردستان كرد، لە دیدارەكەدا ئاستەنگەكانی بەردەم پڕۆسەی سیاسیی هەرێمی كوردستانیان تاوتوێ كرد.

ئەمڕۆ یەكشەممە 24/5/2026، سەرۆك بارزانی، پێشوازیی لە مامۆستا سەڵاحەدین بەهائەدین، ئەمینداری گشتیی یەكگرتووی ئیسلامیی كوردستان كرد، لە دیدارەكەدا بیروڕا لەبارەی بارودۆخی سیاسیی ناوچەكە و عێراق  ئاڵوگۆڕ كرا. 

هەر لە دیدارەكەدا، ڕۆشنایی خرایە سەر بارودۆخی ناوخۆی هەرێم و ئاستەنگەكانی بەردەم پڕۆسەی سیاسیی هەرێم.