دەوامی سەرجەم ناوەندەکانی خوێندن لە هەرێمی کوردستان دەستپێدەکاتەوە
ھەولێر-KDP.info- ھەردوو وەزارەتی خوێندنی باڵا و تویژینەوەی زانستی و وەزارەتی پەروەردە لە ڕاگەیەندراوێکی ھاوبەشدا بڕیاریان دا بە دەستپێکردنەوەی دەوامی خوێندن لە تەواوی ھەرێمی کوردستان.
بەپێی ڕاگەیەندراوەکە، بڕیار دراوە بە دەستپێکردنەوەی دەوامی سەرجەم ناوەندەکانی خوێندنی حکوومی، ناحکوومی و تایبەت لە ناو پۆلەکان و کەمپەسەکاندا.
ئاماژە بەوەش کراوە، کە پرۆسەی خوێندن لە ڕۆژی یەکشەممە، ڕێککەوتی ١٢-٤-٢٠٢٦ دەستپێدەکاتەوە.
