مەسروور بارزانی و فەرماندەی گشتیی هێزەکانی هاوپەیمانان دۆخی ناوچەکە تاوتوێ دەکەن
ھەولێر-KDP. info- مەسروور بارزانی، سەرۆکی حکوومەتی هەرێمی کوردستان، ئەمڕۆ پێنجشەممە ٩ی نیسانی ٢٠٢٦، پێشوازی لە جەنەڕاڵ کێڤن لامبێرت، فەرماندەی گشتیی هێزەکانی هاوپەیمانان لە عێراق و سووریا کرد.
لە دیدارەکەدا گفتوگۆ لەبارەی دۆخی گشتیی هەرێمی کوردستان و عێراق و ناوچەکە کرا، بەتایبەت هەوڵەکان بۆ ڕووبەڕووبوونەوەی ئەو هێرش و مەترسییانەی دەکرێنە سەر هەرێمی کوردستان.
سەرۆکی حکوومەت سوپاس و پێزانینی هەرێمی کوردستانی بۆ پشتیوانییە بەردەوامەکانی هێزەکانی هاوپەیمانان دووپات کردەوە و جەختی لە گرنگیی هاریکاریی نێوانیان بۆ بەرەنگاربوونەوەی تیرۆریستانی داعش کردەوە.
لای خۆیەوە، جەنەڕاڵ کێڤن لامبێرت جەختی لە بەردەوامبوونی پشتیوانییەکانیان بۆ هێزی پێشمەرگە و هەرێمی کوردستان کردەوە، لەپێناو پاراستنی ئاسایش و سەقامگیری و ڕووبەڕووبوونەوەی ئاڵنگارییە ئەمنییەکان.
