مەکتەبی ڕێکخستنی پارتی لە دهۆک: ١٤ی ئادار ڕۆژی ئاوێتەبوونی جەژنی ئازادی و لەدایکبوونی ڕابەری نەتەوەییە

دهۆک-KDP.info- مەکتەبی ڕێکخستنی پارتی دیموکراتی کوردستان لە پارێزگای دهۆک، بە بۆنەی ٣٥ـەمین ساڵیادی سەرهەڵدانی شاری دهۆک و ١٢٣ـەمین ساڵیادی لەدایکبوونی باوکی ڕۆحیی نەتەوەی کورد، بارزانی نەمر، پەیامێکی ڕایگەیاند و دەڵێ، دهۆک هەمیشە وەک قەڵایەکی پتەوی پاراستنی ڕێبازی بارزانی و قەوارەی هەرێم دەمێنێتەوە.

دەقی پەیامی مەکتەبا ڕێکخستنێ ب هەلکەفتا سالیادا سەرهلدانا باژێڕێ دهۆکێ و ژدایکبوونا بارزانیێ نەمر

جەماوەرێ خۆڕاگر و دلسۆزێ پارێزگەها دهۆکێ..

کەس و کارێن سەربلندێن شەهیدان..

١٤ێ ئادارێ ددیرۆکا مە دا ڕۆژەکا ئاسایی نینە، بەلکو ڕۆژا دوو هەلکەفتێن مەزن و پیرۆزە، چونکە بیرەوەریا دوو ڕوودانێن مەزن و دیرووکیە، کو ئەو ژی ١٢٣ مین سالیادا ژدایکبوونا بابێ ڕۆحیێ نەتەوەیا کورد بارزانیێ نەمر، کو دھەمان دەمدا یادا خەبات و قوربانیدانا گەلێ کوردستانێ یە و ٣٥ مین سالڤەگەڕا سەرهلدانا باژێڕێ دهۆکێ یە.

خەلکێ شەرەفمەندێ دهۆکێ د ڕۆژەکا وەکی ئەڤڕۆ ل ١٤ ئادارا ١٩٩١، ب هەمی تەخ و توێژێن خۆ ڤە، ب پشتەڤانیا هێزێن پێشمەرگەیێن کوردستانێ، ب ئازاکرنا باژێڕێ خۆ، ژ ستەم و داگیرکاریا ڕژێما بەعسا ژ ناڤچوویی، بھاترین و مەزنترین دیاری، پێشکێشی رحا زیندیا بارزانیێ نەمر کر و شانازیەکا دی د ناڤ لاپەڕێن مێژوویا باژێڕێ خۆ دا تۆمارکر.

خەلکێ دهۆکێ د وێ ڕۆژێ دا سەلماند کو ڕێبازا بارزانیێ نەمر ڕۆناھیا ڕێیا ئازادیێ و ڕزگاریێ یە و د دل و ناخێ ھەر تاکەکێ کوردستانی دا زیندیە و چ ھێز نەشێن وێ ڕێبازێ و عشقا ئازادیێ د دلێ وان دا بکوژن.

لەوما خەلکێ ئازادیخوازێ دھۆکێ ب ھەمی تەخ و توێژێن خۆڤە ب پشتەڤانیا ھێزا نەبەزا پێشمەرگەی، هەمی دام و دەزگەهێن تاریێ یێن ڕژێما بەعس ل ناڤا باژێڕێ خۆ ڕامالین و ئالایێ پیرۆزێ کوردستانێ ل سەر بلنداهیێن دهۆکێ شەکاندن و جەژنا ژدایکبوونا بارزانیێ نەمر ب ئازادکرنا باژێڕێ خۆ کرە دوو جەژن..

خەلکێ کوردستانێ ب گشتی و یێ دھۆکێ بتایبەتی د ڕۆژا سەرھەلدانا پیرۆز دا سەلماند، کو قەیدێن زۆرداریێ د چەند قائێمبن و ھێزا دوژمنی چەندا مەزن بیت، ل هەمبەر ئیرادەیا گەلەکێ تێھنی بۆ ئازادیێ نابنە بەربەست و دێ د وەڵاتێ خۆ دا ب ئازادیا خۆ شاد و سەرفەراز بیت.

د دەمەکی دا کو ئەم ب ناڤێ مەکتەبا ڕێکخستنا پارتی دیموکراتی کوردستان ل پارێزگەها دهۆکێ، ڤان ھەردوو جەژن و بیرەوەریێن مەزن ل ھەمی خەلکێ دەڤەرێ و کوردستانێ پیرۆز دکەین، دوپات دکەین، کو مان و سەرفەرازییا مە، گرێدایی وەفاداریا مە یە، بۆ خوینا پیرۆژا شەھیدێن قەھرەمان و گرێدایی پاراستنا دەستکەفتیێن شۆڕشێن ئەیلۆل و گولان و سەرھەلدانێ یە.

ئەو دهۆکا ل ڕوژا ژ دایکبوونا بارزانیێ نەمر دا ئازاد بووی، دێ هەردەم مینا کەلھەکا ئاسێ و خورستیا پاراستنا ڕێبازا پیرۆزا کوردایەتیێ و قەوارێ یاسایی و دەستووریێ ھەرێما کوردستانێ مینیت و دێ د سەنگەرێن پێشیێ یێن بەڕەڤانیکرنێ ژ ئاخا پیرۆزا کودستانێ دا بیت، ھەتا بدەستڤەئینا ھەمی خەون و ئارمانجێن گەلێ مە.

ھزار سڵاڤ ل ١٢٣مێن سالیادا ژ دایکبوونا بارزانیێ نەمر و ٣٥ مین بیرەوەریا سەرھەلدانا باژێڕێ دھۆکا خۆڕاکر.

هزار سلاڤ ل گیانێ پاکێ شەهیدێن سەرهلدانا دهۆکێ و هەمی شەهیدێن ڕێیا ڕزگاریا کوردستانێ و سەروەرێ شەھیدان بارزانیێ نەمر و کاک ئیدریسێ ھەردەم ساخ.

کوردستان ھەرا ئارام وئاڤەدانبیت.

 

مەکتەبا ڕێکخستنا پارتی دیموکراتی کوردستان ل پارێزگەها دهۆکێ

١٤ێ ئادارا ٢٠٢٦