سەرۆکی ھەرێمی کوردستان سه‌ره‌خۆشی له بنه‌ماڵه‌ی خوالێخۆشبوو ساڵح موسلم ده‌کات
هەولێر-KDP.info- سەرۆکی ھەرێمی کوردستان بۆ کۆچی دواییی خوالێخۆشبوو ساڵح موسلم پرسە و سەرەخۆشیی ئاراستەی بنەماڵە و کەسوکاریان دەکات و دەڵێت، خوالێخۆشبوو ساڵح موسلم، تەمەنێکی درێژی لەپێناو خەباتی سیاسی و ناساندنی مافە ڕەواکانی گەلی کورددا بەسەر برد.
دەقی پرسەنامەکەی سەرۆکی ھەرێمی کوردستان.
بۆ کۆچی دواییی تێکۆشەر و سیاسەتمەداری دیاری کورد، خوالێخۆشبوو ساڵح موسلم کە لە ھەولێر کۆچی دوایی کرد، پرسە و سەرەخۆشیی قووڵم ئاراستەی بنەماڵە و کەسوکاری بەڕێزیان و ھاوڕێیانی دەکەم و ھاوبەشی خەمیانم.
خوالێخۆشبوو ساڵح موسلم، تەمەنێکی درێژی لەپێناو خەباتی سیاسی و ناساندنی مافە ڕەواکانی گەلی کورددا بەسەر برد و وەک یەکێک لە سەرکردە دیارەکانی کورد لە سووریا، ڕۆڵێکی بەرچاوی لە وێستگەکانی خەباتدا ھەبوو.
لە خوای مەزن داواکارم گیانی خوالێخۆشبوو بە بەزەیی و میھرەبانیی خۆی شاد بکات و ئارامی و دڵنەوایی بە ھەمووان ببەخشێت.
نێچیرڤان بارزانی
سەرۆکی ھەرێمی کوردستان
٢٠٢٦/٣/١١
