مەکتەبی سیاسیی پارتی پرسەنامەیەک ئاراستەی بنەماڵەی (محەمەد ئەمین جهور ئەتریشی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، بەبۆنەی کۆچی دوایی هەڤاڵی تێکۆشەر و نیشتمانپەروەر (محەمەد ئەمین جهور ئەتریشی) پرسە و سەرەخۆشی و هاوخەمیی ئاراستەی کەسوکار و تەواوی بنەماڵەكەیان دەکات.
دەقی پرسەنامەکەی مەکتەبی سیاسی پارتی:
بۆ بنەماڵە و ماڵباتی خوالێخۆشبوو (محەمەد ئەمین جهور ئەتریشی)
بە داخ و پەژارەیەکی زۆرەوە، هەواڵی کۆچی دوایی هەڤاڵی تێکۆشەر و نیشتمانپەروەر (محەمەد ئەمین جهور ئەتریشی)ـمان پێ گەیشت.
بەم بۆنە خەمناکەوە، پرسە و سەرەخۆشی و هاوخەمیی قووڵی خۆمان ئاراستەی ئێوەی بەڕێز و کەسوکار و تەواوی بنەماڵە تێکۆشەرەکەتان دەکەین و، خۆمان بە هاوبەشی خەمتان دەزانین.
خوالێخۆشبوو هەڤاڵێکی دڵسۆز و دێرینی ڕێبازی بارزانی بوو، ئومێدەوارین ئەم هاوخەمییەی هەڤاڵ و دۆستان ببێتە مایەی سەبووری و دڵنەوایی بۆ هەموو لایەک. لە خودای گەورە داواکارین کۆچی دوایی خوالێخۆشبوو دواکۆست و ناخۆشیی بنەماڵە نیشتمانپەروەرەکەتان بێت و گیانی کۆچکردویش بە بەهەشتی بەرین شاد بکات.
مەکتەبی سیاسیی پارتی دیموکراتی کوردستان
٢٢ی شوباتی ٢٠٢٦
