سەرۆکی هەرێمی کوردستان و وەزیری كاروبارى ئابوورى و وزه‌ى ئەڵمانیا پەرەپێدانی پەیوەندییەکان تاوتوێ دەکەن
ھەولێر-KDP.info- بەیانیی ئەمڕۆ یەکشەممە 2026/2/15، لە به‌رده‌وامیى دیدارەکانیدا لە کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ خاتوو کاترینا ڕایشە، وەزیری كاروبارى ئابووری و وزەی ئەڵمانیا کۆبووەوە.
لە کۆبوونه‌وه‌کەدا پەرەپێدانی پەیوەندییە ئابوورییەکانی ئەڵمانیا لەگەڵ عێراق و هەرێمی کوردستان و هاندانی سه‌رمایه‌گوزارى و وەبەرهێنانی ئەڵمانی لە بوارە جیاوازەکاندا تاوتوێ کران.
سەرۆک نێچیرڤان بارزانی سوپاسی پشتگیرییە بەردەوامەکانی ئەڵمانیای بۆ عێراق و هەرێمی کوردستان کرد و خواستى هەرێمی كوردستانى بۆ سوودوه‌رگرتن لە ئەزموونی ئەڵمانیا لە بواری وزە و ئابووریدا دووپات کردەوە.
