ل ژێر چاڤدێریا سەرۆک بارزانی بەرێ بنیاتێ بۆ مۆنیۆمێنتێ کۆمکوژیا شەھـیدێن ئاشووریان ھاتە دانان
دھۆک-KDP.info- ئەڤرۆ ل ژێر چاڤدێریا سەرۆک مەسعود بارزانی بەرێ بنیاتێ بۆ مۆنیۆمێنتێ کۆمکوژیا شەھـیدێن ئاشووریان ھاتە دانان ل دەڤەرداریا سێمێلی.
ئەڤرۆ رۆژا ئێکشەمبی رێکەفتی (٤-١-٢٠٢٦)ێ ل ژێر چاڤدێریا جەنابێ سەرۆک” مەسعود بارزانی” و ب ئامادەبوونا بەرێزان عەبدولموھەیمەن بارزانی نوێنەرێ جەنابێ سەرۆکی و خانم ”د.ڤیان سلێمان و ھەڤاڵ سەباح بەیتوڵلا” ھاریکارێن مەکتەبا رێکخستنا پارێزگەھا دھۆکێ و ”قەداسەتا پاتریارک مارئاوایێ سێیێ ”سەرۆکێ کەنیسا ڕۆژھەڵاتا ئاشووری ل جیھانێ و ھەروەسا نوێنەرێ سەرۆکێ ھەرێمێ و نوێنەرێ سەرۆکێ حکۆمەتێ و پارێزگارێ دھـۆکێ و ھەژمارەیەکا بەرپرسێن حزبی و حکومی و کەسایەتیێن ئایینی و کۆمەڵایەتی بەرێ بنیاتێ بۆ مۆنیۆمێنتێ کۆمکوژیا شەھـیدێن ئاشووریان ھاتە دانان ل دەڤەرداریا سێمێلی.
جھـێ ئاماژێ و دەستخۆشیێ یە، کو بیرۆکەیا دامەزاندنا مۆنیۆمێنتێ کۆمکوژیا شەھـیدێن ئاشووریان ژ لایێ ڕێکخراوا دادپەروەری بۆ ئاشووریان و نوێنەرێ نوێنەرایەتیا حکۆمەتا ھەرێمێ ل ئەمەریکا بوویە لژێر چاڤدێریا جەنابێ سەرۆک بارزانی.
ھەردڤێ رێورەسمێ دا پەیڤا مەکتەبا رێکخستنا پارێزگەھا دھۆکێ ژ لایێ خانم ”د.ڤیان سلێمان”ڤە ھاتە پێشکێشکرن.
بڵند ئیبراھیم
