ڕاگه‌یاندنی پارتی سەرەخۆشی لە خانەوادەی (حسێن کورد نەژاد) دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بۆ کۆچی دوایی نووسەر و توێژەر و تێکۆشەری ناسراو، (حسێن کورد نەژاد)، پرسەنامەیەک ئاراستەی خانەوادەکەیان دەکات.
دەقی پرسەنامەکەی بەشی ڕۆشنبیری و ڕاگەیاندن.
بۆ خانەوادەی خوالێخۆشبوو (حسێن کورد نەژاد)
بە داخ و پەژارەیەکی زۆرەوە هەواڵی کۆچی دوایی نووسەر و توێژەر و تێکۆشەری ناسراو، (حسێن کورد نەژاد)مان پێگەیشت، بە خەمناکییەوە پرسەو سەرەخۆشیی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین.
حسێن کورد نەژاد کەسایەتییەکی دیار و ڕۆشنبیر و دڵسۆز بوو، هەروەها یەکێک بوو لە ئەندامانی بۆردی دامەزرێنەری ئەنستیتیۆی توێژینەوە و گەشەپێدان – کوردستان.
له خودای گه‌وره داواكارین ئارامی و دڵنه‌وایی بە دۆست و خزم و هه‌موو لایه‌ك ببه‌خشێت و گیانی کۆچکردووش بەر دلۆڤانی خۆی بخات.
بەشی ڕۆشنبیری و ڕاگەیاندنی پارتی دیموکراتی کوردستان
١٤ی کانوونی یەکەمی ٢٠٢٥
