پەیامێک لە سەرۆکی حکوومەتی ھەرێمی کوردستانەوە
ھەولێر-KDP.info- سەرۆکی حکوومەتی ھەرێمی کوردستان پرسەو سەرەخۆشیی خۆی ئاراستەی کەسوکاری قوربانیان دەکات و ھیوای چاکبوونەوەی خێراش بۆ برینداران دەخوازێت.
دەقی پەیامی سەرۆکی حکوومەتی ھەرێمی کوردستان.
بە داخەوە بە ھۆی لافاوەوە، دوو ھاووڵاتی لە شارەدێی شۆڕش سەر بە قەزای چەمچەماڵ گیانیان لە دەستداوە و زیانی ماددیش بەر ماڵی ھاووڵاتییان و قوتابخانە و فەرمانگەکانی حکوومەت کەوتووە.
پرسەو سەرەخۆشیی قووڵی خۆم ئاراستەی کەسوکاری قوربانیان دەکەم و ھاوبەشی خەمیانم، ھیوای چاکبوونەوەی خێراش بۆ برینداران دەخوازم.
وەزارەتە پەیوەندیدارەکان و ئیدارەی خۆجێییم ڕاسپاردووە کە بە ھانای لێقەوماوانەوە بچن و ھەر ھاوکاری و یارمەتییەک پێویست بێت، پێشکەشیان بکەن.
مەسرور بارزانی
سەرۆکی حکومەتی ھەرێمی کوردستان
٢٠٢٥/١٢/٩
