پەیامی هاوخەمیی سەرۆک بارزانی بۆ د.ڕێواز فایق
هەولێر-KDP.info- ئەمڕۆ پێنجشەممە، ٤ـی کانوونی یەکەمی ٢٠٢٥، سەرۆک بارزانی پرسە و سەرەخۆشیی خۆی ئاراستەی خانەوادە و کەسوکاری ڕێواز فایەق سەرۆکی پێشووی پەرلەمانی کوردستان کرد.
دەقی پەیامەکەی سەرۆک بارزانی
بەناوی خودای بەخشندە و میھرەبان
بەڕێز د. ڕێواز فایق سەرۆکی پێشووی پەرلەمانی کوردستان
بەداخێکی زۆرەوە ھەواڵی کۆچی دوایی باوکی بەڕێزتانمان پێ گەییشت. پرسە و سەرەخۆشیی خۆم ئاراستەی ئێوە و خانەوادە و کەسوکارتان دەکەم و خۆم بە ھاوبەشی خەمتان دەزانم.
لە خودای گەورە داواکارم ڕۆحی خوالێخۆشبوو بە بەھەشتی بەرین شاد بکات و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
٤ی کانوونی یەکەمی ٢٠٢٥
