ڕاگەیەندراوێک لە دژەتیرۆری کوردستانەوە
ھەولێر-KDP.info- دژەتیرۆری کوردستان لە ڕاگەیەندراوێکدا ھەواڵێکی ناڕاستی ھەندێک لە کەناڵەکانی ڕاگەیاندن و پەیجەکانی سۆشیاڵ میدیا ڕەت دەکاتەوە.
ئەمەش دەقی ڕاگەیەندراوەیەکە:
ئەمڕۆ ھەینی ٣١ی ئۆکتۆبەری ٢٠٢٥، ھەواڵێکی ناڕاست لە ھەندێ کەناڵەکانی ڕاگەیاندن و پلاتفۆرمەکانی سۆشیاڵ میدیا بڵاو بووەتەوە، کە گوایە لە ڕێگەی درۆنەوە ھێرش کراوەتە سەر قەزای پیرمام و دەنگی تەقە بیستراوە.
ھەموو لایەک دڵنیا دەکەینەوە ئەم دەنگۆیە ھیچ ڕاستییەکی تیدا نییە و ھیچ ڕووداوێکی لەو جۆرەش ڕووی نەداوە، دەنگی ئەو تەقانەشی بیستراون، مەشق و ڕاھێنانی سەربازی بووە ھیچ جێگەی مەترسی نییە.
