زەوی بەسەر ژمارەیەکی دیکەی پێشمەرگەدا دابەش دەکرێت
هه‌ولێر-KDP.info- وەزارەتی پێشمەرگەی حکوومەتی هەرێمی کوردستان ڕایگەیاند وەجبەیەکی دیکە زەوی لە هەولێر و دەوروبەری بەسەر پێشمەرگەدا دابەش دەکرێت.
ئەمرۆ پێنجشەممە 30ـی تشرینی یەکەمی 2025، وەزارەتی پێشمەرگەی هەرێمی کوردستان ڕایگەیاند، ئەمڕۆ ژمارەیەکی دیکە ناوی سوومەندبووانی پێشمەرگە بۆ وەرگرتنی زەوی لە هەولێر- دەوروبەر ئاشکرا دەکرێت.
بە پێی ڕاگەیاندراوەکە، ناو و لیستی ئەو پێشمەرگانەی ئەمجارە سوودمەند دەبن، رەوانەی وەزارەتی پێشمەرگە دەکرێت و ناوەکان لە ڕێگەی لێژنەی وەرگرتنی زەوی، بۆ یەکە سەربازییەکان ڕەوانە دەکرێتەوە.
وەزارەتی پێشمەرگە ئاماژەی بەوەش کردووە: ئەفسەر و پێشمەرگەکان دەتوانن سەردانی یەکەکانی خۆیان بکەن یان لە کاتی هەبوونی هەر کێشە و گرفتێک، سەردانی لیژنەی وەرگرتنی زەوی لە وەزارەتی پێشمەرگە بکەن.
