ماڵپەڕی KDP ناوەرۆكی كۆبوونەوەی ئەمڕۆی ئەنجوومەنی وەزیران دەخاتەڕوو
ھەولێر-KDP.info- ئەمڕۆ ئەنجوومەنی وەزیران بە سەرپەرشتیی مەسروور بارزانی كۆ دەبێتەوە و دەرئەنجامی پێداچوونەوە و هەڵسەنگاندنی بارودۆخی دارایی هەرێمی کوردستان، دەخرێتە ڕوو.
ئەمڕۆ چوارشەممە 15/10/2025، ئەنجوومەنی وەزیرانی هەرێمی کوردستان، بە سەرپەرشتیی مەسروور بارزانی، سەرۆکوەزیران و ئامادەبوونی قوباد تاڵەبانی، جێگری سەرۆکوەزیران کۆ دەبێتەوە.
لە کۆبوونەوەکەدا، دەرئەنجامی پێداچوونەوە و هەڵسەنگاندنی بارودۆخی دارایی هەرێمی کوردستان کە لە ماوەى پێشوودا ئەنجام درا، لەلایەن وەزارەتی دارایی و ئابووری، لەسەر ڕاسپاردەى دواکۆبوونەوەى ئەنجومەنی وەزیران و بەدواداچوونی بۆ هەنگاوەکانی خەرجکردنی مووچەى مانگەکانی ساڵی 2025 دەخرێتە ڕوو.
