پەیاما پیرۆزباهیا سەرۆک بارزانی بۆ جەژنا جەمایێ یا خوشک و برایێن ئێزدی

ھەولێر-KDP.info- سەرۆک بارزانی لە پەیامێکدا پیرۆزبایی جەژنی جەما لە ئێزدییان دەکات و ڕایگەیاند، ئێزدییەکان بەشێکی خۆشەویست و دانەبڕاوی گەلی کوردستانن. هاوکات ڕەوشی نائاسایی شنگال بە جێگەی نیگەرانی ناودەبات و ستایشی خۆڕاگریی ئێزدییەکانیش دەکات.

دەقی پەیامەکەی سەرۆک بارزانی:

ب ناڤێ خودێ مەزن و دلۆڤان

ب هەلکەفتا جەژنا جەمایێ، پیرۆزباهیێن خوەیێن گەرم ئاراستەی هەمی ئێزدیێن کوردستانێ و جیهانێ دکەم.

ئێزدی بەشەکی خۆشەویست و نەڤەقەتیایێ گەلێ کوردستانێنە. پشتی وان هەمی نەخۆشی و زەحمەتیێن بسەر خوشک و برایێن مەیێن ئێزدی دا هاتین و پاشی ئەو رەوشا نە یاسایی و نە ئاساییا چەندەها سالە بسەر شنگالێ و دەڤەرێن واندا هاتینە سەپاندن کو جهێ نیگەرانیا مەیە، بەڵێ ب باوەڕی و خوەڕاگریەکا مەزن کوردێن ئێزدی جەژن و هەڵکەفتێن خوە یێن ئۆلی ب ئارامی و ئازادانە ب رێڤە دبەن.

ب ڤێ هەلکەفتێ داکۆکیێ دکەم کو ئەرکێ هەموو ئالیەکیە کاربکەن ژبۆ پاراستن و بهێزكرنا فەرهەنگ و کلتوورێ پێکڤەژیان و ئێکڕێزیا دناڤبەرا هەمی پێکهاتێن ئۆلی و نەتەوی ل کوردستانێ.

جەژنا وە پیرۆز و بمینن دخێر و خۆشیاندا.

 

مەسعود بارزانى

6ی تشرینا ئێکێ 2025