لە ٤٨ کاتژمێری داھاتوودا نەوتی ھەرێم ھەناردە دەکرێتەوە
ھەولێر-KDP.info- وەزارەتی سامانە سروشتییەکان دەڵێت: لە ماوەی ٤٨ کاتژمێری داھاتوودا نەوتی ھەرێمی کوردستان ھەناردە دەکرێتەوە.
ئەمڕۆ پێنجشەممە ٢٥ـی ئەیلوولی ٢٠٢٥، وەزارەتی سامانە سروشتییەکانی ھەرێمی کوردستان، لە ڕاگەیەنراوێکدا ڕایگەیاند: وەزارەتی سامانە سروشتییەکان و وەزارەتی نەوتی فیدراڵ، پاش ڕێککەوتنی سێقۆڵی نێوان ھەردوو وەزارەت و کۆمپانیا بەرھەمھێنەرەکانی نەوتی ھەرێم، لەسەر ھەناردەکردنی نەوتی ھەرێم رێککەوتن.
وەزارەتەکە ئاماژەی بەوە کرد، لە ماوەی ٤٨ کاتژمێری داھاتوودا دەست بە ھەناردەکردنەوەی نەوتی ھەرێمی کوردستان دەکرێت.
