ھێمن ھەورامی و مەکتەبی ڕێکخستنی پارێزگای ھەولێر ئامادەکاریەكانی ھەڵبژاردنی پەرلەمانی عێراقیان خستەڕوو

هەولێر-KDP.info- بەرپرسی بەشی ڕێکخستنی پارتی دیموکراتی کوردستان، سەردانی مەکتەبی ڕێکخستنی پارێزگای ھەولێری کرد و  ئامادەکاریەكانی ھەڵبژاردنەکانی پەرلەمانی عێراق و ووردەکاری ئامادەکارییەکان و بەرپرسیارێتی تەنزیمی و چوارچێوەی پلان و کار و ووردەکاریەكانی خستەڕوو.

 ئەمڕۆ دوو شەممە ٢٢ ی ئەیلوول، د. ھێمن ھەورامی، ئەندامی مەکتەبی سیاسی و بەرپرسی بەشی ڕێکخستنی پارتی دیموکراتی کوردستان،  لە چوارچێوەی ئەرکە پەیڕەوییەکان و ئامادەکاریەكان بۆ ھەڵبژاردنەکانی پەرلەمانی عێراق،  لەگەڵ  ھەڤاڵانی بەشی ڕێکخستنی مەکتەبی سیاسی سەردانی مەکتەبی ڕێکخستنی پارێزگای ھەولێری کرد و لەلایەن  ھەڤاڵان د. پشتیوان صادق ئەندامی مەکتەبی سیاسی و بەرپرسی  مەکتەبی ڕێکخستنی پارێزگای ھەولێر و یاریدەدەرانی مەکتەب، پێشوازی گەرمی  لێكرا. 

د. ھێمن ھەورامی، بەرپرسی بەشی ڕێکخستنی پارتی دیموکراتی کوردستان، لە دیدارێکدا کە ھەڤاڵان ئومێد خۆشناو و ھەڵگورد شێخ نەجیب و  بەرپرسی لقەکانی ٢ و ١٠ و ١٦ و ٢٣ و ٢٤ و ٢٦ و کارگێڕانی لقەکان و بەرپرسی ناوچەکان ئامادە بوون، لە بارەی ووردەکاری ئامادەکارییەکان و بەرپرسیارێتی تەنزیمی و چوارچێوەی پلان و کار و ووردەکاری خستەڕوو.