ڕاگەیاندنی پارتی ساڵیادی دامەزراندنی ڕادیۆ و تەلەفزیۆنی دەروازە پیرۆز دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی ساڵیادی دامەزراندنی ڕادیۆ و تەلەفزیۆنی دەروازە، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و ھونەرکاران و سەرجەم کارمەندانی ڕادیۆ و تەلەفزیۆنی دەروازە کرد.
دەقی پەیامی ڕاگەیاندنی پارتی بەبۆنەی ساڵیادی دامەزراندنی ڕادیۆ و تەلەفزیۆنی دەروازە.
بەڕێزان/ بەڕێوەبەر و ستافی بەڕێوەبردن و ھونەرکاران و سەرجەم کارمەندانی ڕادیۆ و تەلەفزیۆنی دەروازە
بە بۆنەی (۲۱)ەمین ساڵیادی دامەزراندنی ڕادیۆ و تەلەفزیۆنی دەروازە، پیرۆزباییەکی گەرم لە ئێوەی ھێژا و بیسەران و بینەرانتان دەکەین، ئومێدەوارین بە کارنامە و پلانی نوێ ھەنگاوی باشتر بنێن و، لەو دەڤەرە ئازیزەدا زیاتر خزمەتی بواری ڕاگەیاندن و ڕۆشنبیریی بکەن و لە ئاست ئەو ئەرکە پیرۆزەتان بن.
ڕادیۆ و تەلەفزیۆنی دەروازە شانبەشانی کەناڵەکانی تری میدیای پارتیمان لە ماوەی تەمەنی کارکردنیدا توانیویەتی بەرپرسانە ڕۆڵی شیاوی خۆی ببینێ و لە خزمەت پەیامەکەی و خواست و ویستی ھاووڵاتییان دابێت.
ھەر بەردەوام و سەرکەوتووبن.
بەشی ڕۆشنبیری و ڕاگەیاندنی پارتی دیموکراتی کوردستان
١١ی ئەیلوولی ۲۰۲٥
