بڕیارێک لە سەرۆکی حکوومەتی ھەرێمی کوردستانەوە
ھەولێر-KDP.info- مەسرور بارزانی سەرۆکی حکوومەتی ھەرێمی کوردستان بڕیارێک لە بەرژەوەندیی فەرمانبەرانی زیندانیکراو و گیراوانی سیاسی دەردەکات.
بە نووسراوی ژمارە (٩٨٠٤)ی دیوانی ئەنجومەنی وەزیران، مەسرور بارزانی، سەرۆکی حکوومەتی هەرێمی کوردستان، ڕەزامەندی دا لەسەر کارکردن و بەردەوامبوونی ئەو فەرمانبەرانەی زیندانیکراو و گیراوی سیاسین، تاکوو تەواوکردنی تەمەنی ٦٥ ساڵی. بڕیارەکە، سەرجەم زیندانیکراو و گیراوانی سیاسی لە وەجبەکانی ٩ تا ١٥ی ڕاژە دەگرێتەوە، و مووچەی بەردەوامبوونیان لە ڕاژە لەسەر بودجەی وەزارەتەکانیان بۆ خەرج دەکرێت.
