بافڵ تاڵەبانی بەبۆنەی 79 ساڵەی دامەزراندنی پارتی پیرۆزبایی لە سەرۆک بارزانی دەکات
ھەولێر-KDP.info- سەرۆکی یەکێتیی نیشتمانیی کوردستان پیرۆزبایی 79 ساڵەی دامەزراندنی پارتی دیموکراتی کوردستان لە سەرۆک بارزانی دەکات و جەخت لە هاوئاهەنگی و تەبایی زیاتری نێوان پارتی و یەکێتی دەکاتەوە.
دەقی پەیامی پیرۆزبایی بافڵ تاڵەبانی، سەرۆکی یەکێتیی نیشتمانیی کوردستان:
بەڕێز کاک مەسعود بارزانی، سەرۆکی پارتی دیموکراتی کوردستان
بەبۆنەی 79ـەمین ساڵیادی دامەزراندنی پارتی دیموكراتی كوردستان، پیرۆزبایی گەرم لە بەڕێزتان، جێگرانی سەرۆکی پارتی، سەرکردایەتی، ئەندامان و جەماوەری پارتی دیموکراتی کوردستان دەکەم و هیوای سەرکەوتنتان بۆ دەخوازم.
جەخت لە هەماهەنگی و تەبایی نێوان یەکێتیی نیشتمانیی کوردستان و پارتی دیموکراتی کوردستان و سەرجەم هێز و لایەنە سیاسییە کوردستانییەکان دەکەینەوە، لەپێناو کارکردنی پێکەوەیی و راپەڕاندنی ئەرکە نیشتمانی و چارەنووسسازەکان و بەهێزترکردنی قەوارەکەمان و باشترکردنی ژیانی خەڵکە خۆشەویستەکەمان.
بافڵ جەلال تاڵەبانی
سەرۆکی یەکێتیی نیشتمانیی کوردستان
