سه‌رۆكی ھەرێمی کوردستان پیرۆزبایى له مامۆستا عه‌لى باپیر و كۆمه‌ڵى دادگه‌ریى كوردستان ده‌كات
ھەولێر-KDP.info- به گه‌رمى پیرۆزبایى له به‌ڕێز مامۆستا عه‌لى باپیر بۆ هه‌ڵبژاردنه‌وه‌ى به سه‌رۆكى كۆمه‌ڵى دادگه‌ریى كوردستان و سه‌ركه‌وتنى كۆنگره‌كه‌یان، هه‌روه‌ها له سه‌ركردایه‌تیى نوێ و ته‌واوى ئه‌ندامان و لایه‌نگران و جه‌ماوه‌رى كۆمه‌ڵ ده‌كه‌م، هیواى سه‌ركه‌وتنیان بۆ ده‌خوازم.
به ڕێز و پێزانینه‌وه له ڕۆڵى به‌ڕێز مامۆستا عه‌لى باپیر و كۆمه‌ڵى دادگه‌ریى كوردستان له ژیانى سیاسیى هه‌رێمى كوردستان و عێراق ده‌ڕوانم، هه‌روه‌ها له‌م ده‌رفه‌ته‌دا جه‌خت له ته‌بایى و پێكه‌وه‌یى و یه‌كڕیزیى لایه‌نه سیاسییه‌كان و پێكهاته‌كانى كوردستان ده‌كه‌مه‌وه تا هه‌مووان پێكه‌وه خزمه‌تێكى باشتر به ئێستا و داهاتووى كوردستان بكه‌ن.
نێچیرڤان بارزانى
سه‌رۆكى هه‌رێمى كوردستان
