جێگرێ پارێزگاری و بریکارێ وەزارەتێ گرنگییا ڤێ ڤیستەڤالێ بۆ KDP دیارکرن

دهۆک-KDP.info- ل سەنتەرێ پارێزگەها دهۆکێ ماوێ دوو رۆژانە ڤیستەڤاڵا هاڤینێ ل پارکا گشتی یا نەوروز دناڤا بازارێ دهۆکێ یێ گشتی دا هاتییە ڤەکرن، تێدا نێزیک ١٠٠ کومپانی بەژدارن ژبۆ نیشاندانا کەل و پەلێن خۆ ب باشترین شێوە و گونجایترین بها.

ماجد سەید سالح جێگرێ پارێزگارێ دهۆکێ، و سەروەر کەمال بریکارێ وەزارەتا بازرگانی و پیشەسازییا هەرێما کوردستانێ گرنگییا ڤێ ڤیستەڤالێ دچەند خالەکان دا بۆ KDP.info دیارکرن ئەوژی: 

١- پشتگیرییا بەرهەمێن ناڤخوی ژبۆ فروتن و ب کارئینان و پتر بەرهەمئینانێ.

٢- توند کرنا پەیوەندییان دناڤ بەرا کومپانییان یێن ناڤخوی و بیانی.

٣- مفا وەرگرتنا خەلکێ ژداشکاندنان.

٤- لایەنێ پەیداکرنا کەیفخۆشی بۆ خێزانێن دهۆکێ هەروەسا خێزانێن مێهڤان.

ئەڤ ڤیستەڤاڵە دچارچووڤێ گرنگیپێدان و چاڤدێرییا حکومەتا هەرێما کوردستانێ و ب سەرپەرشتییا وەزارەتا بازرگانی و پیشەسازی یا هەرێما کوردستانێ و کارگێرییا پارێزگەها دهۆکێ و ب رێکخستنا کومپانیا بازار میدیا بۆ ماوێ ٨ رۆژان هاتییە ڤەکرن، و ئەو ١٠٠ کومپانیێن بەژدار ٧٠٪ ژوان کومپانیێن ناڤخوی نە، و دبەردەوامییا ڤیستەڤالێ دا هەر ١٠٠ کومپانی دێ رابن ب فروتنا هەمی بەرهەمێن خۆ ب داشکاندنێن ٣٠ هەتا ٤٠٪ و ئەڤ چەندە دێ ل ژێر چاڤدێرییا لیژنێن چاڤدێرییا بازرگانی هێتە ئەنجامدان، هەروەسا هەمی کومپانی دێ رابن ب دابەشکرنا ١٥ هەتا ١٧ هزار دیارییان ل سەر خەلکێ ب رێیێن پێشبرکی و چالاکیێن خۆشی و ستران گوتنێ دگەل فلکلورێ کوردی.

 

سەجا شێرزاد