مەسروور بارزانی: بە هەموو شێوەیەک تیرۆر ڕەت دەکەینەوە و دژی دەوەستین
هەولێر-KDP.info- سەرۆكی حكوومەتی هەرێمی كوردستان، پەیامێكی لەبارەی ئەو هێرشە خۆکوژییە تیرۆریستییە بڵاو كردەوە كە كرایە سەر کەنیسەی مار ئیلیاس لە دیمەشق.
ئەمڕۆ دووشەممە 23/6/2025، مەسروور بارزانی، سەرۆكی حكوومەتی هەرێمی كوردستان، پەیامێكی بڵاو كردەوە و دەڵێت، "بە توندی سەرکۆنەی ئەو هێرشە خۆکوژییە تیرۆریستییە دەکەم کە کرایە سەر کەنیسەی مار ئیلیاس لە دیمەشق، پرسە و سەرەخۆشی قووڵی خۆم ئاراستەی کەسوکاری قوربانیان دەکەم و هیوای چاکبوونەوە بۆ بریندارەکان دەخوازم و هاوسۆزی هەموو زیانلێکەوتوانم."
سەرۆكی حكوومەت ئاماژەی بەوەش داوە، "پشتیوانیی بەهێزی خۆمان بۆ ئازادی بیروباوەڕ دووپات دەکەینەوە و بە هەموو شێوەیەکیش تیرۆر ڕەت دەکەینەوە و دژی دەوەستین."
