ئامینا زکری تیشکی خستنە سەر دووماهی پێشهاتێن رۆژهەلاتا ناڤین

ئامێدی-KDP.info- ئامینا زکری ئەنداما مەکتەبا سیاسییا  پارتی، ب ئامادەبوونا صباح بیت اللە یاریدەدەرێ مەکتەبا رێکخستنا دهوکێ و بەرهەم عریف یاسین بەرپرسێ لقێ، کۆمبونەکا فراوان دگەل کادر و هەڤالێت لقی ١٨ ئەنجامدا و تێدا نویترین پێشهاتێن سیاسی ل دەڤەرێ و ئەرکێن کادران دڤی باردوخێ گرنگ و هەستیاردا خویاکرن و پاشان ئارمانجا سەرەدانا دەستەیا چاڤدێری و دویڤچوونێ بۆ ئامادەبویان رۆنکرن.

ئامینا زکری ئەنداما مەکتەبا سیاسییا  پارتی، د کۆمبونەکا فراوان دگەل کادر و هەڤالێت لقی ١٨ دا ئاماژە ب دەڤەرا ئامێدیێ دا وەک دەڤەرەکا هێلینا شورەشان. پاشان تیشک خستنە سەر دووماهی پێشهاتێن رۆژهەلاتا ناڤین و کارتێکرنا وان ل سەر ئیراقێ و هەرێمێ.

ئامینا زکری تەکەز کر، ئەڤ قوناغە پێدڤی ب ئێکرێزی و ب ژیری و سەرەدەریەکا تایبەتە و ب هەبوونا سیاسەتا حەکیمانە یا سەرۆک بارزانی گەشبینن کو ھاوکێشەیێن سیاسی دێ د بەرژەوەندا گەلێ کوردستانێ دابن.

ئامینا زکری ئەنداما مەکتەبا سیاسییا  پارتی، سەبارەت سیاسەتێن بەغدا دگەل هەرێمێ گۆت: "ئەو سیاسەتا ئەڤرو سەرانێت بەغدا دەرحەق گەلێ کوردستانێ پەیرەو دکەن، سیاسەتا بنپێکرنا دەستوری یە و برینا بودجە و موچەی خەلکێ کوردستانێ،  ھەر  سالا ٢٠١٤ ھەتا نوکە شەرەکێ سیاسی یە دگەل هەرێمێ و ملەتێ مە راگەھاندی، پێخەمەت شکاندنا ئیرادا کوردستانییان و لاوازکرنا قەوارێ دەستوریێ هەرێمی، و خوراگری و ئیرادە گەلێ مە ب پلانێت نەیاریێن کوردستانێ ناھێتە شکاندن و تاقیکرن.

ئامینا زکری گۆت: "سیاسەتا برسی کرنا خەلکێ کوردستانێ تاوانەکە کێمتر نینە ژ تاوانێت ئەنفال و کیمیابارانێ کو رژیمێ ژناڤ چوی بەعس دەرحەق گەلێ کوردستانێ دکر، و حکومەتا فێدرال دژی دەستوری پێھنگاڤا دھاڤێت و بنپێکرنا دستوری و شکاندنا پرەنسیپێ تەوازن و تەوافق و ھەڤسەنگیێ کو عێراقا فێدرال لسەر ھاتیە ئاڤاکرن، پێچەوانەیا رێکەفتنایە و چارەسەرکرنا ڤی دوخی یا پەیوەندیدارە ب جێبەجێکرنا دەستوری و رێزگرتنا شەرعیەتا دامەزراوێت ھەرێمێ.