د. هێمن هه‌ورامی ڕایەڵە و ڕەهەندەکانی ڕێکخستنی بۆ کادیران شیکردەوە
هەولێر-KDP.info- د. هێمن هه‌ورامی، لە دوو وانەی تریدا لە بابەتی حزبناسی و ڕێکخستن، بە وردی ڕایەڵە و ڕەهەندەکانی ڕێکخستنی بە لایەنی تیۆری و پراکتیکی بۆ کادیرانی بەشداربووی خولی ۲٠ەمینی پەیمانگای پێگەیاندنی کادیران شیکردەوە.
لە درێژەی بەڕێوەچوونی خولی ۲٠ەمینی پەیمانگای پێگەیاندنی کادیرانی پارتی دیموكراتی كوردستان، د. هێمن هه‌ورامی، ئەندامی مەکتەبی سیاسی و به‌رپرسی بەشی ڕێكخستنی پارتی دیموكراتی كوردستان، لە بابەتی حزبناسی و ڕێکخستن دا دوو وانەی دیکەی تایبەت بە ڕێکخستنی پێشکەشی هەڤاڵانی بەشداربوو کرد.
د. هێمن هه‌ورامی، ئەندامی مەکتەبی سیاسی و به‌رپرسی بەشی ڕێكخستن، بە وردی ڕایەڵە و ڕەهەندەکانی ڕێکخستنی لە ڕووی ناساندن وەکو چوارچێوە و دابەشکردن و دیاریکردنی ئەرک و لێپرسراویەتی و گۆڕینی تواناو و وزە و سەرمایە مەعنەوی و مادییەکان و کەرەستەکان و توانا مرۆییە جیاجیاکان بۆ وزەیەکی ئاراستەکراوی ئامانجدار و ڕەگەزەکانی ڕێکخستن لە رووی پلان و کایە جیاجیاکانی بۆ حزبی سیاسی، بە لایەنی تیۆری و پراکتیکیەوە بۆ بەشدار بووانی خولی ۲٠ەمینی پەیمانگای پێگەیاندنی کادیران شیکردەوە.
