مەکتەبی سیاسیی سەرەخۆشی لە خانەوادەی (عومەر خدر) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی ماڵباتی هەڤاڵی خوالێخۆشبوو (عومەر خدر خدر) ئەندامی پێشووی مەکتەبی ڕێکخستنی پارێزگای سلێمانی-هەڵەبجە دەکات.
دەقی پرسەنامەکەی مەکتەبی سیاسیی پارتی دیموکراتی کوردستان:
بۆ ماڵباتی هەڤاڵی خوالێخۆشبوو (عومەر خدر خدر) ئەندامی پێشووی مەکتەبی ڕێکخستنی پارێزگای سلێمانی-هەڵەبجە
بە خەم و پەژارەوە هەواڵی کۆچی دوایی، کادیری دڵسۆز و تێکۆشەر، هەڤاڵی خوالێخۆشبوو (عومەر خدر خدر)مان بیست، بە خەمناکییەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
هیوادارین دڵنەوایی هەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و ناسۆریتان کەم بکاتەوە و ئەمە دوا کۆست و ناخۆشیتان بێت.
مەکتەبی سیاسیی پارتی دیموکراتی کوردستان
۲ ی حوزەیرانی ۲۰۲٥
