سەرۆکی ھەرێمی کوردستان پیرۆزبایی لە فەخری کەریم دەکات
ھەولێر-KDP.info- سەرۆکی ھەرێمی کوردستان، پیرۆزبایی لە بەڕێز فەخری کەریم دەکات بەبۆنەی ھەڵبژاردنی وەک "کەسایەتیی میدیاکاری ساڵ" لە لوتکەی ڕاگەیاندنی عەرەبی - دوبەی ٢٠٢٥، کە ئەمەی خوارەوە دەقەکەیەتی:
پیرۆزبایی لە بەڕێز فەخری کەریم دەکەم بەبۆنەی ھەڵبژاردنی وەک "کەسایەتیی میدیاکاری ساڵ" لە لوتکەی ڕاگەیاندنی عەرەبی - دوبەی ٢٠٢٥.
ئەمە ڕێزلێنانێکی شایستەیە لە کاروانێکی درێژی بەرگریکردن لە ئازادیی ڕادەربڕین، بیری ڕۆشنگەری و ڕۆشنبیریی سەربەخۆ.
ھاوکات شانازیکردنە بە کەسایەتییەکی نیشتیمانی کە بەشدارییەکی کارای لە چەسپاندنی بەھاکانی گفتوگۆ، کرانەوە و دادپەروەری ھەبووە.
پێزانینی قووڵمان بۆ خودی بەڕێزیان ھەیە و ھیوای بەردەوامیی تەندروستی و بەخششیان بۆ دەخوازم.
نێچیرڤان بارزانی
سەرۆکی ھەرێمی کوردستان
