د.رێناس جانۆ: حکومەتا هەرێمێ شیایە رولەکێ گەلەک باش هەبیت دسەقامگێرییا سیاسی و ئابوری و ئێمناهی
دھۆک-KDP.info- بوچی باوەرییا حکومەتەکا زل هێزا وەکو حکومەتا وەڵاتێن ئێگرتی یێن ئەمریکا ب حکومەتا هەرێما کوردستانێ دهێت؟ ددەمەکێ دا دوستایەتییەکا باش و موکوم دناڤ بەرا وان دا هەیە! ئەڤە تەوەرێ هەڤپەیڤینا مە بوو دگەل سیاستەمدار د.رێناس جانۆ، دکتورا دزانستێن سیاسی دا،
پێگەهێ حکومەتا ئەمریکا ل سەر ئاستێ جیهانێ وەک بهێزترین پێگەه دهێتە هژمارتن و ئەو رکابەرێن ل هەمبەر ئەمریکا ژی دانپێدانێ ب ڤێ چەندێ دکەن، تایبەت دەمێ بۆ جارا دووێ سەروک دونالد ترامپ هاتییە هەلبژارتن وەکو سەروکێ وەڵاتاین ئێگرتی یێن ئەمریکا، و دیارە، ب هەمی رەنگان ئەڤی وەڵاتی دڤێت هێزا خۆ نیشان بدەت،
و سەبارەت ب وێ باوەرییا حکومەتا هەرێما کوردستانێ ب دەستخۆڤە ئینای بەرامبەر ئەمریکا و هەمی وەڵاتێن جیهانی، د.رێناسی هەردوو دەستێن خۆ هنداڤ سینگێ خۆ بلنکرن و گوت: “ئەڤ باوەرییا حکومەتا هەرێما کوردستانێ دروستکری بەرهەمێ شەڤەکێ و رۆژەکێ نینە، ئەڤە بەرهەمێ چەندین ساڵێن کار و خەباتێ یە، هەر ژشورەشێن کەڤن و هەتا ئەڤرۆ حکومەتا هەرێمێ شیایە وێ باوەریێ ب دەستخۆڤە بینیت، بەراورد ب وەڵاتێن جیران و دەورەوبەر، ددەمەکێ دا کوردستان هەرێمەک دستوری یە سەر ب وەڵاەتێ عیراقێ ڤە نەک دەولەتەک سەربەخۆیە، بەلکو وەکو دەولەت و وەلاتەک سەربەخۆ مامەڵە دگەل دا دهێتە کرن و پێشوازی ل مەسرور بارزانی سەروک وەزیرێن هەرێما کوردستانێ وەک سەروک وەڵاتەکێ ئازاد و سەربەخۆ هاتە کرن ئەڤەژی ئاماژەیە کو حکومەتا هەرێما کوردستانێ وەکو هەڤپەیمانەکێ ستراتیجی بۆ وەڵاتێن ئێگرتی یێن ئەمریکا دهێتە پێش چونکە شیایە رولەکێ گەلەک باش هەبیت دسەقامگێرییا سیاسی و ئابوری و ئێمناهی دا زێدەباری رولێ پێشمەرگێ قەهرەمان دنەهێشتن و نەهێلانا تیرورا جیهانی وەکو یا داعش، و ئەڤە هەمی سەدەمن ئەمریکا دانپێدانێ ب باوەرییا کوردستانێ بکەت.”
نا هێتە ڤەشارتن، کو پەیوەندییا دناڤ بەرا ئەمریکا و هەرێما کوردستانێ دا ب شێوەیەک گشتی پشتی ساڵا ١٩٧٥ێ و هەتا نوکە بەرەف پێشکەفتنێ و بەرەوپێ دانێ دا دایە، و سەرکردێ کورد مەلا موستەفا بارزانی ل ساڵا ١٩٧٧ێ سەرەدانا وەلاتێن ئێگرتی یێن ئەمریکا کرییە، و هەر دوی دەمی دا هژمارەکا باش یا کوردێن باشورێ کوردستانێ قەستا وی وەڵاتی کرییە و وەکو پەنابەر ل وێرێ ژیاینە، و نوکە ژی نێزیک ٦٠ هەتا ٧٠ هزار کوردێن باشور ل وی وەڵاتی دژین و دبیاڤێن جودا دانە.
“مەسرور بارزانی کارێکتەرەکێ بەرنیاس و بەرچاڤە ل دەڤەرێ، و ئەڤە بخۆ ژی بۆ ئەمریکا خالەکا دی یا گرنگە کو پشتبەستنێ ل سەر بکەن, چونکە سەروک وەزیرێ مە ب کەسایەتییا خۆ شیایە باوەریێ بۆ وەڵاتان دروست بکەت، هەروەسا کاریکتەرێ دی یێ گەلەک گرنگ دڤێ پەیوەدیێ دا رولێ خۆ هەبوویە، سەروک مەسعود بارزانی یە،کو ئەوی ژی ژلایێ خۆڤە گەلەک ل سەر ڤێ چەندێ کار کرییە و هەتا نوکە ژی بەردەوامە، و باوەرییا وی یا سیاسی وەدکەت پێگەهەکێ گرنگ ددەڤەرا مە دا ئاڤا بکەت و وەڵاتەک وەک ئەمریکا ب تەمامی باوەرییا خۆ پێ بدەت چونکە دزانن ل دویف گوتنێن خۆیە و مافێن گەل و وەڵاتێ خۆ بن پێ نە کرییە و دهەمبەر دا بەرژەوەندا دوست و هەڤپەیمانێن خۆ پاراستییە.” د.رێناسی گوت..
هەروەسا حکومەتا هەرێما کوردستانێ شیایە پێنگاڤێن باش باڤێت ژبۆ بنیات دانانا بونیەکا تەحتی یا موکەم بۆ ڤی وەڵاتی ل دەمەکێ بەشێن دی یێن عیراقی نە شیاینە ب ڤی رەنگی رولێ خۆ بەرامبەر وەڵاتێ خۆ و پاشان ئەمریکا دیار بکەن و ب گێرن، و ئەم ب ئومێدین ئەڤ پەیوەندییە ل پاشەروژێ هێشتا موکوم ترببن ب رێیا سازیێن جودا جودا و ب سەرپەرشتییا حکومەتا هەرێما کوردستانێ”.
سەجا شێرزاد-دهۆک
