بە ئامادەبوونی سەرۆك بارزانی یەكێتیی قوتابیان و لاوان یەك دەگرنەوە
ھەولێر-KDP.info- ئه‌مڕۆ بە ئامادەبوونی سەرۆک بارزانی و مەسروور بارزانی، هەردوو رێكخراوی یەكێتیی قوتابیانی كوردستان و یەكێتیی لاوانی دیموكراتی كوردستان یەك دەگرنەوە.
ڕێبوار یەڵدا ئەندامی مەكتەبی سیاسی و بەرپرسی بەشی ڕێكخراوە جەماوەری و پیشەییەكانی پارتی دیموكراتی كوردستان رایگەیاند، "ئامادەكارییەكانی ئەنجامدانی كۆنگرەی یەكگرتنی هەردوو ڕێكخراوی یەكێتیی قوتابیان و یەكێتیی لاوانی دیموكراتی كوردستان تەواو بووە.
ڕێبوار یەڵدا گوتیشی، "ئه‌مڕۆ پێنجشەممه بە ئامادەبوون و سەرپەرشتیی سەرۆك بارزانی، لە هەولێر كۆنگرەكە ده‌بەستن.
به‌پێی زانیاریه‌كانی ماڵپه‌ڕی فه‌رمیی پارتی دیموكراتی كوردستانیش 260 ئەندام بەشداریی کۆنگرەکە دەکەن، کۆنگرەکەش کاتژمێر 10:00 لە هۆڵی سەعد عەبدوڵڵا دەستپێدەکات و یەک رۆژ دەخایێنێت و لە کۆنگرەکەشدا پەیکەری ھەردوو رێکخراوەکە دەبێتە یەک سکرتاریەت و سکرتێرێکی دەبێت، لەناو کۆنگرە لەلایەن ئەندامانی کۆنگرەوە سکرتێر و ئەندامانی سکرتاریەتی رێکخراوی یەکێتیی قوتابییان و لاوان ھەڵدەبژێردرێن.
