پەیاما پیرۆزباهیێ فازڵ میرانی بۆ ساڵڤەگەڕا دامەزراندنا بنگەهێ لالش

ھەولێر-KDP.info- ئەڤرۆ دووشەمبێ ١٢-٥-٢٠٢٥، فازڵ میرانی بەرپرسێ دەستەیا کارگێرییا مەکتەبا سیاسی، ٣٢ ساڵیا دامەزراندنا بنگەھێ لالش یێ ڕەوشەنبیری و جڤاکی پیرۆز دکەت.

دەقا پەیاما فازڵ میرانی بەرپرسێ دەستەیا کارگێرییا مەکتەبا سیاسی:

بناڤێ خودایێ مەزن و دلۆڤان

ب ھەلکەفتا سیھ و دوو سالیا دامەزراندنا بنگەھێ لالش پیرۆزباھیێن خۆ ئاراستەی سەرۆک و ئەندامێن دەستەیا بلند و کارگێر وئەندام و کادرێن بنگەھێ لالش و ھەمی خوشک و برایێن ئێزدی دکەم. بنگەھێ لالش ھەر ژ دەستپێکا دامەزراندنێ و ھەتا نوکە بزاڤ و کار و چالاکییێن روشنبیری و پێگەھاندنێ یێن بەرچاڤ و پێشکێشی کرینە، نەک بتنێ  بۆ جڤاکا ئێزدییان، بەلکو پاراستنا داب ونەریت و کولتوورێ گەلێ کوردستانێ  ژی کریە.دیسان پەیاما وان یا بەردەوام ژ پێخەمەتی ئاشتییێ و پاراستنا پێکڤە ژیانێ بەرز وبلند دنرخینین.

بخێر و خوەشی سەرکەفتی بن

 

فازڵ میرانی

بەرپرسێ دەستەیا کارگێرییا مەکتەبا سیاسی

١١ ئایارا ٢٠٢٥