نێچیرڤان بارزانی پیرۆزبایی لە ڕاوێژکاری نوێی ئەڵمانیا دەکات
ھەولێر-KDP.info- سەرۆکی ھەرێمی کوردستان پیرۆزبایی لە فرێدریک مێرز دەکات بەبۆنەی ھەڵبژاردنی وەک ڕاوێژکاری نوێی ئەڵمانیا.
نێچیرڤان بارزانی سەرۆکی ھەرێمی کوردستان پەیامە پیرۆزباییەکەی لە تۆڕی کۆمەڵایەتی ئێکس بڵاوکردەوە و ڕایگەیاند، "پیرۆزبایی لە فرێدریک مێرز دەکەم بەبۆنەی ھەڵبژاردنی وەک ڕاوێژکاری کۆماری فیدڕاڵی ئەڵمانیا و ھیوای سەرکەوتنی لەم پێگە نوێیەیدا بۆ دەخوازم".
سەرۆکی ھەرێمی کوردستان ھەروەھا ڕایگەیاند، "ھەرێمی کوردستان بە بایەخەوە دەڕوانێتە ئەو ھاوبەشییە نزیکەی لەگەڵ ئەڵمانیادا ھەیەتی و چاوی لە کاری پێکەوەیی زیاترە".
فرێدریک مێرتس سەرۆکی پارتی یەکێتی کریستیان دیموکراتی ئەڵمانیا، ئەمڕۆ سێشەممە بە دەنگی ٣٢٥ ئەندامی پەرلەمانی ئەڵمانیا لە کۆی ٦٣٠ دەنگ، بە ڕاوێژکاری ئەڵمانیا ھەڵبژێردرا.
