مەسروور بارزانی سەرەخۆشیی لە سەرۆککۆماری ئێران دەکات

ھەولێر-KDP.info- سەرۆکی حکوومەتی ھەرێمی کوردستان پرسە و سەرەخۆشیی ئاراستەی سەرۆککۆماری ئیسلامیی ئێران و کەسوکار و قوربانیانی تەقینەوەی بەندەرعەباس کردوو ھیوای چاکبوونەوەی خێراش بۆ بریندارەکان دەخوازێت.

دەقی پەیامی سەرۆکی حکوومەتی ھەرێمی کوردستان.

پرسە و سەرەخۆشی ئاراستەی سەرۆککۆماری ئیسلامیی ئێران بەڕێز د.مەسعود پزیشکیان و کەسوکار و قوربانیانی تەقینەوەی بەندەر عەباس دەکەین و ھیوای چاکبوونەوەی خێراش بۆ بریندارەکان دەخوازین.

خوای مەزن گیانی خوالێخۆشبووان بە بەھەشت شاد بکات و ئارامی و دڵنەواییش بە کەسوکاریان ببەخشێت.

لەم ڕووداوە نەخوازراوەدا، ھاوسۆزی و ھاوخەمی خۆمان لەگەڵ خەڵکی کۆماری ئیسلامیی ئێران دەردەبڕین.