سەرۆکی ھەرێمی کوردستان لەگەڵ شا عەبدوڵڵای دووەم کۆدەبێتەوە
ھەولێر-KDP.info- سەرۆکی ھەرێمی کوردستان، بە سەردانێکی فەرمی دەچێتە ئوردن و لەگەڵ شا عەبدوڵڵای دووەم و بەرپرسانی باڵای ئەو وڵاتە کۆدەبێتەوە.
ئەمڕۆ یەکشەممە ٢٠٢٥/٤/٢٧، نێچیرڤان بارزانی، سەرۆکی ھەرێمی کوردستان، بە سەردانێکی فەرمی دەگاتە عەممانی پایتەختی شانشینی ئوردنیی ھاشمی.
لە میانی سەردانەکەدا، بەڕێزیان لەگەڵ شا عەبدوڵڵای دووەم کوڕی حسێن، شای ئوردن کۆدەبێتەوە و پتەوکردنی پەیوەندییەکانی ھەردوولا و ھاریکاریی ھاوبەشی عێراق و ھەرێمی کوردستان لەگەڵ شانشینی ئوردن، تاوتوێ دەکەن.
ھەر لەم چوارچێوەیەدا، نێچیرڤان بارزانی لەگەڵ ژمارەیەک لە بەرپرسانی باڵای ئوردن دیدار و کۆبوونەوەی دەبێت.
