مەسروور بارزانی پێشوازی لە سەرۆکی ئەنجومەنی نوێنەرانی شانشینی ئوردن کرد

ھەولێر-KDP..info-  لەمیانی دیداریدا لەگەڵ سەرۆکوەزیرانی ھەرێمی کوردستان، سەرۆکی ئەنجومەنی نوێنەرانی ئوردن،  خۆشحاڵی خۆی بە سەردانی هەرێمی کوردستان و پێشکەوتن و ئاوەدانیی هەرێم دەربڕی و ئاماژەی بە پەیوەندیی بەهێز و دۆستانەی نێوان هەرێمی کوردستان و ئوردن کرد.

مەسروور بارزانی سەرۆکوەزیرانی ھەرێمی کوردستان، لە تۆڕی کۆمەڵایەتی فییسبووک رایگەیاند، کە پێشوازی لە سەرۆکی ئەنجومەنی نوێنەرانی ئوردن کردووە و ئەمەش دەقەکەیەتی:

سەرۆکی ئەنجومەنی نوێنەرانی ئوردن،  خۆشحاڵی خۆی بە سەردانی هەرێمی کوردستان و پێشکەوتن و ئاوەدانیی هەرێم دەربڕی و ئاماژەی بە پەیوەندیی بەهێز و دۆستانەی نێوان هەرێمی کوردستان و ئوردن کرد و ئامادەیی وڵاتەکەی بۆ پێشخستنی زیاتری پەیوەندیی دوولایەنە لە بوارە جۆراوجۆرەکاندا نیشاندا.

جەختمان لە گرنگیی پەرەپێدانی پەیوەندیی دۆستانە و لەمێژینەی نێوان هەردوولا کردەوە و سوپاس و پێزانینی هەرێمی کوردستانمان بۆ پشتیوانیی بەردەوامیی شانشینی ئوردن و خاوەنشکۆ شا عەبدوڵلای دووەم دووپات کردەوە . 

چاکسازییەکانی حکومەتی هەرێمی کوردستان لە بوارەکانی وزە و دارایی و بەدیجیتەڵکردنی خزمەتگوزارییە گشتییەکان ،هەروەها دۆخی گشتیی ناوچەکە و پێویستیی پاراستنی ئاسایش و سەقامگیرییەکەی، بەشێکی دیکەی گفتوگۆکانمان بوو.