سەرۆکی ھەرێمی کوردستان پیرۆزبایی له مه‌سیحییان ده‌کات
ھەولێر-KDP.info- سەرۆکی ھەرێمی کوردستان بە بۆنەی جەژنی ھەستانەوە پیرۆزبایی لە کریستیانەکان دەکات و ھیوا دەخوازێت جەژنی خێر و خۆشی و ئاشتی و ئاسوودەیی بۆ تەواوی مرۆڤایەتی لەگەڵ خۆیدا بھێنێت.
دەقی پەیامی سەرۆکی ھەرێمی کوردستان.
ھاتنەوەی جەژنی قیامەی حەزرەتی مەسیح (سڵاوی خودای لێ بێت)، بە گەرمی و لە دڵەوە لە ھەموو ھاووڵاتییانی مەسیحیمان لە ھەرێمی کوردستان و عێراق، ھەروەھا لە تەواوی مەسیحییان لە جیھان، پیرۆز دەکەم. ھیوادارم جەژن خێر و خۆشی و ئاشتی و ئاسوودەیی بۆ تەواوی مرۆڤایەتی لەگەڵ خۆیدا بھێنێت.
لەم جەژنە پیرۆزەدا، ھەمووان دڵنیا دەکەینەوە کە ھەرێمی کوردستان وەک ھەمیشە بە نیشتمانی فرەڕەنگیی پێکھاتەکانی دەمێنێتەوە و بەردەوام دەبێت لە پتەوکردنی بەھاکانی پێکەوەژیان، لێبوردەیی و ڕێزگرتن لە ھەموو بیروباوەڕ و ناسنامەکان. با ھەموومان ئەم جەژنە بکەینە دەرفەتێک بۆ نوێکردنەوەی پەیمانی یەکڕیزی و تەبایی و بە گیانی بەرپرسیاریەتیی ھاوبەش کار بکەین بۆ خزمەت و ئاوەدانی و پێشکەوتنی وڵاتەکەمان.
نێچیرڤان بارزانی
سەرۆکی ھەرێمی کوردستان
٢٠٢٥/٤/١٩
