ڕاگەیاندنی پارتی پیرۆزبایی ساڵیادی دامەزراندنی تەلەفزیۆنی دەلال دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی (١٩)ەمین ساڵیادی دامەزراندنی تەلەفزیۆنی دەلال پەیامێکی پیرۆزبایی ئاراستەی بەڕێوەبەر و ستافی بەڕێوەبردن و سەرجەم کارمەندان و ھونەرکاران لە تەلەفزیۆنی دەلال کرد.
دەقی پەیامی ڕاگەیاندنی پارتی بۆ تەلەفزیۆنی دەلال.
بەڕێزان/ بەڕێوەبەر و ستافی بەڕێوەبردن و سەرجەم کارمەندان و ھونەرکاران لە تەلەفزیۆنی دەلال.
بەر لە (۱۹) ساڵ تەلەفزیۆنی دەلال وەک کەناڵێکی نێوخۆیی ھەرێمی کوردستان لە دەڤەری دەلالی زاخۆ دامەزرا، ئەو ھەنگاوە گرینگەی پارتیمان لە بواری میدیا و ڕاگەیاندن ڕۆڵێکی کاریگەری ھەبوو بۆ خزمەتگەیاندن و برەودان بە کایە ڕۆشنبیری و کولتوورییەکان.
تەلەفزیۆنی دەلال لە ڕێگەی چالاکیی ڕۆژانەی خۆیدا و پێشکەشکردنی بەرنامە ھەمەجۆرەکانی، توانیویەتی داواکارییەکانی دانیشتوانی ئەو ناوچەیە بە بێ جیاوازیکردن لە نێوان پێکھاتەکانی بخاتەڕوو و لە ئاست ئەو پەیام و بەرپرسیارەتییە دابێت.
بەشی ڕۆشنبیری و ڕاگەیاندنی پارتی دیموکراتی کوردستان
