مەکتەبی سیاسیی پرسەنامەیەک ئاراستەی خانەوادەی (محەممەد حسێن پیروزی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی پێشمەرگەی دێرین (محەممەد حسێن پیروزی)، پرسەنامەیەک ئاراستەی خانەوادەی ناوبراو دەکات.
دەقی پرسەنامەکەی مەکتەبی سیاسیی پارتی دیموکراتی کوردستان.
بۆ خانەوادەی خوالێخۆشبوو (محەممەد حسێن پیروزی)
بە غەم و پەژارەوە ھەواڵی کۆچی دوایی، پێشمەرگەی دێرین، خوالێخۆشبوو (محەممەد حسێن پیروزی)مان بیست، بە خەمناکییەوە پرسە و سەرەخۆشیی خۆمان ئاراستەی ئێوەی ھێژا و کەسوکار و بنەماڵە تێکۆشەرەکەتان دەکەین، خۆمان بە ھاوبەشی خەمتان دەزانین.
ھیوادارین ھاوخەمی ھەڤاڵ و دۆست و خزمانی خوالێخۆشبوو ببێتە مایەی سەبووری و ئارامگرتنتان و لە خەم و ناخۆشیتان کەم بکاتەوە و ئەمە دوا کۆستتان بێت.
مەکتەبی سیاسیی پارتی دیموکراتی کوردستان
۲ی نیسانی ۲۰۲٥
