سەرۆکی حکوومەت پێشوازی لە سەرۆکی دەزگای هەواڵگریی نیشتمانیی عێراق دەکات
هەولێر-KDP.info- مەسروور بارزانی، سەرۆکی حکوومەتی ھەرێمی کوردستان لەگەڵ حەمید ئەلشەتری سەرۆکی دەزگای ھەواڵگریی نیشتمانیی فیدراڵ، لە پێناو پاراستنی ئاسایش و سەقامگیری، جەخت لە پەرەپێدانی ھەماھەنگییەکان دەکەنەوە.
ئەمڕۆ یەکشەممە ١٦-٣-٢٠٢٥، مەسروور بارزانی، سەرۆکی حکوومەتی ھەرێمی کوردستان، پێشوازیی لە حەمید ئەلشەتڕی، سەرۆکی دەزگای ھەواڵگریی نیشتمانیی عێراق کرد.
لە دیدارەکەدا، گفتوگۆ لەبارەی دوایین گۆڕانکاری و پێشھاتەکانی دۆخی گشتی و ئەمنیی عێراق و ناوچەکە کرا، جەختیش لە پەرەپێدانی ھاوئاھەنگیی نێوان ھەرێمی کوردستان و حکوومەتی فیدراڵ لەپێناو پاراستنی ئاسایش و سەقامگیری کرا.
