پارێزگارێ دھۆکێ پیرۆزباھیێ ل خەلکێ بەهدینان و کوردستانیان دکەت
دھۆک-KDP.info- دکتۆر عەلی تەتەر، پارێزگارێ دھۆکێ د پەیامەکێ دا ب ھەلکەفتا سەرھلدانا بھارا سالا ١٩٩١ یا گەلێ کوردستانێ پیرۆزباھیێ ل خەلکێ دەڤەرا بەهدینان و هەموو کوردستانیان دکەت.
دەقێ پەیامێ:
بهەلکەفتا دەربازبوونا ۳٤ سالان لسەر سەرهەلدانا جەماوەرێ دەڤەرا دهۆک و سێمێل و رزگارکرنا هەموو دەڤەرا بەهدینان ژ زور و ستەم و داگیرکاریا حکومەتا رەگەزپەرستا بەعسیان، گەرمترین پیرۆزباھیان ل سەرجەم خەلکێ دەڤەرا بەهدینان و هەموو کوردستانیان دکەین. سەرێ رێز و نەوازشێ دادنڤینین بۆ سەرجەم شەهیدێن کوردستانێ و رێز و خۆشەویستییەکا بێ سنوور بۆ خەبات و رەنج و تێکوشینا پێشمەرگە و هەموو خەباتگێرێن ڕێیا رزگاریا گەلێ کوردستانێ، کو ئەڤ ئازادییە بەرهەمێ خوینا شەهیدان و رەنج و ماندیبوونا وان تێکوشەرانە.
سلاڤ ل خۆراگریا گەلێ کوردستانێ لژێر سەرکردایەتیا سەرۆک بارزانی بن، کوردستان هەرا ئاڤەدان و تەنا و بەختەوەر بیت.
دکتۆر عەلی تەتەر
پارێزگارێ دھۆکێ
