سەرۆکی حکوومەتی هەرێمی کوردستان پێشوازی لە سەرۆکوەزیرانی پێشووی فیدڕاڵ دەکات
ھەولێر-KDP.info- ئەمڕۆ یەکشەممە ٩-٣-٢٠٢٥، مەسروور بارزانی، سەرۆکی حکوومەتی هەرێمی کوردستان، پێشوازی لە مستەفا کازمی، سەرۆکوەزیرانی پێشووی فیدڕاڵ کرد.
لە كۆبوونەوەكەدا دۆخی گشتیی عێراق و ناوچەکە و ئامادەکارییەکانی هەڵبژاردنی داهاتووی ئەنجوومەنی نوێنەران تاوتوێ کرا.
بەشێکی دیکەی گفتوگۆکان، تایبەت بوو بە پێویستیی چارەسەرکردنی کێشەکانی هەرێمی کوردستان و حکوومەتی فیدڕاڵ و دابینکردنی مافە دەستووری و شایستە داراییەکانی خەڵکی کوردستان.
