پەیامی سەرەخۆشیی بارەگای بارزانی بۆ کۆچی دوایی خالد کمال احمد درویش

ھەولێر-KDP.info-  بارەگای بارزانی بۆ کۆچی دوایی خالد کمال احمد درویش پەیامێکی سەرەخۆشی راگەیاند کە ئەمە دەقەکەیەتی:

بەناوی خودای مەزن و دلۆڤان

بەداخێکی زۆرەوە هەواڵی کۆچی دوایی کەسایەتیی نیشتیمانپەروەر و ئەندامی کۆمیتەی ناوەندیی پارتی دیموکراتی کوردستان ـ سووریا (خالد کمال احمد درویش)ـمان پێ گەیشت.

پرسە و سەرەخۆشی خۆمان ئاراستەی بنەماڵەی خوالێخۆشبوو خالد کمال احمد درویش و هەڤاڵانی لە پارتی دیموکراتی کوردستان ـ سووریا دەکەین و خۆمان بە هاوبەشی  خەمیان دەزانین.

لە خودای مەزن داواکارین خوالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت.

انا للە و انا الیە راجعون

بارەگای بارزانی
8ی ئاداری 2025